taq-e-abru hain pasan-e-taba ek dil-KHwah ke

tāq-e-abrū haiñ pasan-e-tab.a ik dil-ḳhvāh ke

umr hotī hai basar gumbad meñ bismillāh ke

jā.ūñ kyūñ-kar bin bulā.e us but-e-dil-ḳhvāh ke

be-talab koī nahīñ pahuñchā huzūr allāh ke

rū-e-nūrānī kā tere ho gayā hai shak jo yaar

raat bhar dauḌā huuñ kyā kyā pīchhe pīchhe maah ke

shām-e-vasl aa.ī idhar maujūd thī sub.h-e-firāq

kam ghaḌī se bhī pahar haiñ is shab-e-kotāh ke

dāġh-e-ishq-e-husn kā luqma nivāla hai kaḌā

sair-dil haiñ khāne vaale is ġham-e-jāñ-kāh ke

nā-tavānī se hai hālat ġhair hijr-e-yār meñ

dam nikal jaatā hai apnā saath har ik aah ke

ishq-e-but meñ koh par jā jā ke sar paTkā kiye

paañv ko sadme rahe past-o-buland-e-rāh ke

sālahā ishq-e-zanaḳhdāñ ne lahū paanī kiyā

muddatoñ ro.e haiñ jā jā kar kināre chaah ke

hashr tak yuuñ hī raheñge ġhamza-o-andāz-o-nāz

ishq-e-ālī-manzilat se husn-e-vālā-jāh ke

jā nikaltā hai jo mujh sā tishna-e-dīdār-e-husn

zikr-e-yūsuf karne lagte haiñ kabūtar chaah ke

manzil-e-maqsūd meñ chal kar nikālūñgā unheñ

ābloñ meñ ye jo haiñ paivast kāñTe raah ke

us but-e-be-dīñ kī zulfoñ kā ishāra hai yahī

is balā meñ vo phaseñ āshiq hoñ jo allāh ke

kab samā.ī hai nazar meñ raushnī-e-āftāb

chashm-e-bīnā rakhte haiñ zarre tirī dargāh ke

taq-e-abru hain pasan-e-taba ek dil-KHwah ke

umr hoti hai basar gumbad mein bismillah ke

jaun kyun-kar bin bulae us but-e-dil-KHwah ke

be-talab koi nahin pahuncha huzur allah ke

ru-e-nurani ka tere ho gaya hai shak jo yar

raat bhar dauDa hun kya kya pichhe pichhe mah ke

sham-e-wasl aai idhar maujud thi subh-e-firaq

kam ghaDi se bhi pahar hain is shab-e-kotah ke

dagh-e-ishq-e-husn ka luqma niwala hai kaDa

sair-dil hain khane wale is gham-e-jaan-kah ke

na-tawani se hai haalat ghair hijr-e-yar mein

dam nikal jata hai apna sath har ek aah ke

ishq-e-but mein koh par ja ja ke sar paTka kiye

panw ko sadme rahe past-o-buland-e-rah ke

salaha ishq-e-zanaKHdan ne lahu pani kiya

muddaton roe hain ja ja kar kinare chah ke

hashr tak yun hi rahenge ghamza-o-andaz-o-naz

ishq-e-ali-manzilat se husn-e-wala-jah ke

ja nikalta hai jo mujh sa tishna-e-didar-e-husn

zikr-e-yusuf karne lagte hain kabutar chah ke

manzil-e-maqsud mein chal kar nikalunga unhen

aablon mein ye jo hain paiwast kanTe rah ke

us but-e-be-din ki zulfon ka ishaara hai yahi

is bala mein wo phasen aashiq hon jo allah ke

kab samai hai nazar mein raushni-e-aftab

chashm-e-bina rakhte hain zarre teri dargah ke