taDapte dil ko na le iztirab leta ja

taḌapte dil ko na le iztirāb letā jā

paTak de sāġhar-e-ḳhālī sharāb letā jā

vo haath maar palaT kar jo kar de kaam tamām

baḌe 'azāb meñ huuñ maiñ savāb letā jā

vo ban hī ghar se hai achchhā sukūn jis meñ mile

mujhe bhī o dil-e-ḳhāna-ḳharāb letā jā

mile ik aah kā vaqfa to vaqt-e-purshish-e-hāl

har ik savāl kā apne javāb letā jā

naqāb uThā ke kiyā sāmnā to muñh ko na pher

dikhā ke ḳhvāb na āñkhoñ se ḳhvāb letā jā

taDapte dil ko na le iztirab leta ja

paTak de saghar-e-KHali sharab leta ja

wo hath mar palaT kar jo kar de kaam tamam

baDe 'azab mein hun main sawab leta ja

wo ban hi ghar se hai achchha sukun jis mein mile

mujhe bhi o dil-e-KHana-KHarab leta ja

mile ek aah ka waqfa to waqt-e-purshish-e-haal

har ek sawal ka apne jawab leta ja

naqab uTha ke kiya samna to munh ko na pher

dikha ke KHwab na aankhon se KHwab leta ja