taghaful-dost hun mera dimagh-e-ijz aali hai
taġhāful-dost huuñ merā dimāġh-e-ijz 'aalī hai
agar pahlū-tahī kiije to jā merī bhī ḳhālī hai
rahā ābād 'ālam ahl-e-himmat ke na hone se
bhare haiñ jis qadar jām-o-subū mai-ḳhāna ḳhālī hai
butān-e-shoḳh kā dil saḳht hogā kis qadar yā-rab
mirī fariyād ko kohsār-sāz-e-'ijz maalī hai
nishān-e-be-qarār-e-shauq juz mizhgāñ nahīñ baaqī
ka.ī kāñTe haiñ aur pairāhan-e-shakl-e-nihālī hai
junūñ kar ai chaman tahrīr-e-dars-e-shaġhl-e-tanhā.ī
nigāh-e-shauq ko sahrā bhī dīvān-e-ġhazālī hai
siyah-mastī hai ahl-e-ḳhāk ko abr-e-bahārī se
zamīñ josh-e-tarab se jām-e-labrez-e-sifālī hai
'asad' mat rakh ta'ajjub ḳhar-dimāġh-hā-e-mun'im kā
ki ye nāmard bhī sher-afgan-e-maidān-e-qālī hai
taghaful-dost hun mera dimagh-e-ijz 'ali hai
agar pahlu-tahi kije to ja meri bhi KHali hai
raha aabaad 'alam ahl-e-himmat ke na hone se
bhare hain jis qadar jam-o-subu mai-KHana KHali hai
butan-e-shoKH ka dil saKHt hoga kis qadar ya-rab
meri fariyaad ko kohsar-saz-e-'ijz mali hai
nishan-e-be-qarar-e-shauq juz mizhgan nahin baqi
kai kanTe hain aur pairahan-e-shakl-e-nihaali hai
junun kar ai chaman tahrir-e-dars-e-shaghl-e-tanhai
nigah-e-shauq ko sahra bhi diwan-e-ghazali hai
siyah-masti hai ahl-e-KHak ko abr-e-bahaari se
zamin josh-e-tarab se jam-e-labrez-e-sifali hai
'asad' mat rakh ta'ajjub KHar-dimagh-ha-e-mun'im ka
ki ye namard bhi sher-afgan-e-maidan-e-qali hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.