talab ho sabr ki aur dil mein aarzu aae

talab ho sabr kī aur dil meñ aarzū aa.e

ġhazab hai dost kī ḳhvāhish ho aur 'adū aa.e

tum apnā rang badalte raho falak kī tarah

kisī kī aañkh meñ ashk aa.e yā lahū aa.e

tirī judā.ī se hai ruuh par ye zulm-e-havās

maiñ apne aap meñ phir kyoñ rahūñ jo tū aa.e

riyā kā rang na ho mustanad haiñ vo ā’māl

kalām puḳhta hai jab dard-e-dil kī bū aa.e

laboñ kā bosa jise mil gayā ho vo jaane

qadam to us but-e-be-dīñ ke ham bhī chhū aa.e

khulī jo aañkh javānī meñ 'ishq aa pahuñchā

jo garmiyoñ meñ khuleñ dar to kyoñ na lū aa.e

vo mai nasīb kahāñ in havas-parastoñ ko

ki ho qadam ko na laġhzish na muñh se bū aa.e

talab ho sabr ki aur dil mein aarzu aae

ghazab hai dost ki KHwahish ho aur 'adu aae

tum apna rang badalte raho falak ki tarah

kisi ki aankh mein ashk aae ya lahu aae

teri judai se hai ruh par ye zulm-e-hawas

main apne aap mein phir kyon rahun jo tu aae

riya ka rang na ho mustanad hain wo aa’mal

kalam puKHta hai jab dard-e-dil ki bu aae

labon ka bosa jise mil gaya ho wo jaane

qadam to us but-e-be-din ke hum bhi chhu aae

khuli jo aankh jawani mein 'ishq aa pahuncha

jo garmiyon mein khulen dar to kyon na lu aae

wo mai nasib kahan in hawas-paraston ko

ki ho qadam ko na laghzish na munh se bu aae