puchh-gachh hashr mein hone lagi diwanon ki

pūchh-gachh hashr meñ hone lagī dīvānoñ kī

Toliyāñ aane lagīñ chāk-garebānoñ kī

hashr meñ chāhne vāloñ se hai is kī tākīd

leak lag jaa.e alaihada mire dīvānoñ kī

aire ġhaire na kahīñ hashr meñ tum ko lipTeñ

ek fihrist banā lījiye dīvānoñ kī

daūr-e-āzādī hai jaldī se pilā de saaqī

bhaTTiyāñ band huī jaatī haiñ mai-ḳhānoñ kī

ab to ai sham.a kaleja huā ThanDā terā

ḳhaak jal jal ke huī bazm meñ parvānoñ kī

apne vahshī ko jo dekhā to kahā darbāñ se

laanā fihrist kahāñ hai mire dīvānoñ kī

be-dhaḌak ghar meñ tire ġhair chale aate haiñ

āñkheñ kyā phuuT ga.ī haiñ tire darbānoñ kī

vasl kī naav lagā.ūñ to kināre se lageñ

kashtiyāñ Duub rahī haiñ mire armānoñ kī

'būm' sāhib pe jo ābādī meñ paḌtī hai latāḌ

raah le lete haiñ sīdhī vo bayābānoñ kī

puchh-gachh hashr mein hone lagi diwanon ki

Toliyan aane lagin chaak-garebanon ki

hashr mein chahne walon se hai is ki takid

leak lag jae alaihada mere diwanon ki

aire ghaire na kahin hashr mein tum ko lipTen

ek fihrist bana lijiye diwanon ki

daur-e-azadi hai jaldi se pila de saqi

bhaTTiyan band hui jati hain mai-KHanon ki

ab to ai shama kaleja hua ThanDa tera

KHak jal jal ke hui bazm mein parwanon ki

apne wahshi ko jo dekha to kaha darban se

lana fihrist kahan hai mere diwanon ki

be-dhaDak ghar mein tere ghair chale aate hain

aankhen kya phuT gai hain tere darbanon ki

wasl ki naw lagaun to kinare se lagen

kashtiyan Dub rahi hain mere armanon ki

'bum' sahib pe jo aabaadi mein paDti hai lataD

rah le lete hain sidhi wo bayabanon ki