thaka le aur daur-e-asman tak

thakā le aur daur-e-āsmāñ tak

phir āḳhir gardish-e-qismat kahāñ tak

baḌī us dil kī betābī yahāñ tak

hamīñ hamīñ ham haiñ zamīñ se āsmāñ tak

dam-e-va.ada unheñ hai baar haañ tak

zabāñ thak jaa.e jo ai be-zabāñ tak

mujhe piinā paḌe āḳhir vo aañsū

jo bhar jaate zamīñ se āsmāñ tak

koī sau baar uḌe sau baar baiThe

qafas se yuuñ ham aa.e āshiyāñ tak

gilā bhī thā kisī kā raaz koī

ki aa kar rah gayā merī zabāñ tak

salāmat haiñ agar mere par-o-bāl

qafas jā.egā uḌ kar āshiyāñ tak

mirī bedāriyāñ bekār kyuuñ jaa.eñ

unheñ pahuñchā do chashm-e-pāsbāñ tak

kuchh us ne is tarah kaaTī mirī baat

ki TukḌe ho ga.ī merī zabāñ tak

junūñ se ham na kotāhī kareñge

hamārā haath pahuñchegā jahāñ tak

ḳhudāyā mere sajde duur hī se

pahuñch jaa.eñ kisī ke āstāñ tak

sahārā kuchh to darmāndoñ ko hotā

pahuñch jaate jo gard-e-kārvāñ tak

mirī fariyād sun kar chup raheñge

use pahuñchā.eñge vo āsmāñ tak

mujhī par chhoḌ do merī mai-e-talḳh

mazā us kā hai kuchh merī zabāñ tak

kalīsā-o-haram donoñ haiñ ābād

mire nāqūs tak merī azaañ tak

kuchh aisā rabt hai sayyād ke saath

hamīñ ham haiñ qafas se āshiyāñ tak

hamīñ Thukrāte jaa.eñ jo vahāñ jaa.eñ

pahuñch jaa.eñ yūñhī ham āstāñ tak

ma.āsī ke sivā do do farishte

inheñ laade phirūñ yārab kahāñ tak

pahuñch jā.ūñ jo yārab mai-kade meñ

mirā paanī bhare pīr-e-muġhāñ tak

vo ḳhūgar nāla-e-dushman kā ho jaa.e

na suntā ho jo harf-e-dāstāñ tak

'riyāz' aane meñ hai un ke abhī der

chalo ho aa.eñ marg-e-nā-gahāñ tak

thaka le aur daur-e-asman tak

phir aaKHir gardish-e-qismat kahan tak

baDi us dil ki betabi yahan tak

hamin hamin hum hain zamin se aasman tak

dam-e-wada unhen hai bar han tak

zaban thak jae jo ai be-zaban tak

mujhe pina paDe aaKHir wo aansu

jo bhar jate zamin se aasman tak

koi sau bar uDe sau bar baiThe

qafas se yun hum aae aashiyan tak

gila bhi tha kisi ka raaz koi

ki aa kar rah gaya meri zaban tak

salamat hain agar mere par-o-baal

qafas jaega uD kar aashiyan tak

meri bedariyan bekar kyun jaen

unhen pahuncha do chashm-e-pasban tak

kuchh us ne is tarah kaTi meri baat

ki TukDe ho gai meri zaban tak

junun se hum na kotahi karenge

hamara hath pahunchega jahan tak

KHudaya mere sajde dur hi se

pahunch jaen kisi ke aastan tak

sahaara kuchh to darmandon ko hota

pahunch jate jo gard-e-karwan tak

meri fariyaad sun kar chup rahenge

use pahunchaenge wo aasman tak

mujhi par chhoD do meri mai-e-talKH

maza us ka hai kuchh meri zaban tak

kalisa-o-haram donon hain aabaad

mere naqus tak meri azan tak

kuchh aisa rabt hai sayyaad ke sath

hamin hum hain qafas se aashiyan tak

hamin Thukraate jaen jo wahan jaen

pahunch jaen yunhi hum aastan tak

maasi ke siwa do do farishte

inhen lade phirun yarab kahan tak

pahunch jaun jo yarab mai-kade mein

mera pani bhare pir-e-mughan tak

wo KHugar nala-e-dushman ka ho jae

na sunta ho jo harf-e-dastan tak

'riyaz' aane mein hai un ke abhi der

chalo ho aaen marg-e-na-gahan tak