tujhse kya nisbat ki the laila ke kale hath panw

tujh se kyā nisbat ki the lailā ke kaale haath paañv

haq ne tere nuur ke sāñche meñ Dhāle haath paañv

haath pakḌe mujh ko khīñche phir sū-e-dasht-e-balā

ai junūñ ab kar diye tere havāle haath paañv

ḳhvāh bāñdheñ ḳhvāh jakḌeñ in ko zanjīroñ meñ vo

ham ne un zulfoñ ke hāthoñ bech Daale haath paañv

haath uljhe jeb se phir paañv lipTe ḳhaar se

ham ne zindāñ se nikalte hī nikāle haath paañv

sar sināñ ne siina ḳhanjar ne liyā nāvak ne dil

haiñ ye terī nazr ai teġh-e-jafā le haath paañv

kar diyā hai chuur ham ko nashsha-e-ulfat ne 'dāġh'

ab bhalā koī sañbhalte haiñ sañbhāle haath paañv

tujh se kya nisbat ki the laila ke kale hath panw

haq ne tere nur ke sanche mein Dhaale hath panw

hath pakDe mujh ko khinche phir su-e-dasht-e-bala

ai junun ab kar diye tere hawale hath panw

KHwah bandhen KHwah jakDen in ko zanjiron mein wo

hum ne un zulfon ke hathon bech Dale hath panw

hath uljhe jeb se phir panw lipTe KHar se

hum ne zindan se nikalte hi nikale hath panw

sar sinan ne sina KHanjar ne liya nawak ne dil

hain ye teri nazr ai tegh-e-jafa le hath panw

kar diya hai chur hum ko nashsha-e-ulfat ne 'dagh'

ab bhala koi sanbhalte hain sanbhaale hath panw