unhen bhi meri ulfat ki agar pahchan ho jae

unheñ bhī merī ulfat kī agar pahchān ho jaa.e

to ye rishta nibhānā vāqa'ī āsān ho jaa.e

zamāne ke na lag jā.ūñ kahīñ maiñ haath aise meñ

ijāzat ho to banda 'ishq kā darbān ho jaa.e

samajhnā hai bahut mushkil mohabbat kī ye betābi

kise mā'lūm kab Thahrī havā tūfān ho jaa.e

tujhe phir dekhne kī koī jur.at kar nahīñ saktā

agar tū mere dil meñ ek pal mehmān ho jaa.e

use phir aur ḳhushbū kī zarūrat hī nahīñ rahtī

agar koī bhī insāñ 'ishq meñ guldān ho jaa.e

yahāñ har shaḳhs meñ ham ne ka.ī kirdār dekhe haiñ

zarūrī hai ki ab har aadmī insān ho jaa.e

janāze meñ mire shāmil agar hoñ chaar kāñdhe to

safar ye āḳhirī merā zarā āsān ho jaa.e

guzārūñ yaad meñ terī 'asīm' ek ek lamha maiñ

qasam rab kī jo tū bhī dil se merī jaan ho jaa.e

unhen bhi meri ulfat ki agar pahchan ho jae

to ye rishta nibhana waqa'i aasan ho jae

zamane ke na lag jaun kahin main hath aise mein

ijazat ho to banda 'ishq ka darban ho jae

samajhna hai bahut mushkil mohabbat ki ye betabi

kise ma'lum kab Thahri hawa tufan ho jae

tujhe phir dekhne ki koi jurat kar nahin sakta

agar tu mere dil mein ek pal mehman ho jae

use phir aur KHushbu ki zarurat hi nahin rahti

agar koi bhi insan 'ishq mein guldan ho jae

yahan har shaKHs mein hum ne kai kirdar dekhe hain

zaruri hai ki ab har aadmi insan ho jae

janaze mein mere shamil agar hon chaar kandhe to

safar ye aaKHiri mera zara aasan ho jae

guzarun yaad mein teri 'asim' ek ek lamha main

qasam rab ki jo tu bhi dil se meri jaan ho jae