kar liya din mein kaam aaTh se panch
kar liyā din meñ kaam aaTh se pāñch
ab chale daur-e-jām aaTh se pāñch
chāñd hai aur āsmān hai saaf
rahiye bālā-e-bām aaTh se pāñch
ab to ham ban ga.e haiñ ek machine
ab hamārā hai naam aaTh se pāñch
sher kyā shā.irī ke baare meñ
sochnā bhī harām aaTh se pāñch
kuchh ḳharīdeñ to bhaav pāñch ke aaTh
aur becheñ to daam aaTh se pāñch
vo mile bhī to bas ye pūchheñge
kuchh milā kām-vām aaTh se pāñch
sohbat-e-ahl-e-zauq hai 'bāsir'
ab sunāo kalām aaTh se pāñch
kar liya din mein kaam aaTh se panch
ab chale daur-e-jam aaTh se panch
chand hai aur aasman hai saf
rahiye baala-e-baam aaTh se panch
ab to hum ban gae hain ek machine
ab hamara hai nam aaTh se panch
sher kya shairi ke bare mein
sochna bhi haram aaTh se panch
kuchh KHariden to bhaw panch ke aaTh
aur bechen to dam aaTh se panch
wo mile bhi to bas ye puchhenge
kuchh mila kaam-wam aaTh se panch
sohbat-e-ahl-e-zauq hai 'basir'
ab sunao kalam aaTh se panch
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
