wasl ki raat mein hum raat mein bah jate hain

vasl kī raat meñ ham raat meñ bah jaate haiñ

vasl kab karte haiñ jazbāt meñ bah jaate haiñ

āb-jū ham haiñ pa dariyā ke hamāre sabhī ḳhvāb

radd-e-ta.abīr kī barsāt meñ bah jaate haiñ

baar baar aate haiñ ham apne hamal meñ lekin

shahr kī sāzish-e-isqāt meñ bah jaate haiñ

jism ke apne bhī jaadū haiñ pa kachche haiñ abhī

ruuh kī mashq-e-tilismāt meñ bah jaate haiñ

tah-e-dariyā-e-karam der se khultī hai so ham

uupar uupar kī ināyāt meñ bah jaate haiñ

ḳhatm-e-majlis pe na aayā kabhī ronā ham ko

saare aañsū to shurūāt meñ bah jaate haiñ

wasl ki raat mein hum raat mein bah jate hain

wasl kab karte hain jazbaat mein bah jate hain

aab-ju hum hain pa dariya ke hamare sabhi KHwab

radd-e-tabir ki barsat mein bah jate hain

bar bar aate hain hum apne hamal mein lekin

shahr ki sazish-e-isqat mein bah jate hain

jism ke apne bhi jadu hain pa kachche hain abhi

ruh ki mashq-e-tilismat mein bah jate hain

tah-e-dariya-e-karam der se khulti hai so hum

upar upar ki inayat mein bah jate hain

KHatm-e-majlis pe na aaya kabhi rona hum ko

sare aansu to shuruat mein bah jate hain