wo yunhi nahin ishq ki jagir se nikla

vo yūñhī nahīñ 'ishq kī jāgīr se niklā

majbūrī-e-nān-o-namak-o-shīr se niklā

paayā hai kisī dā.era-e-ḳhāk meñ ḳhud ko

maiñ jab bhī kisī halqa-e-zanjīr se niklā

ye sāmne jo Dher ḳhazāne kā paḌā hai

naqshe se nahīñ laġhzish-e-rahgīr se niklā

kyā hotā agar maiñ nazar-andāz na kartā

jo dūsrā matlab tirī tahrīr se niklā

dohrī huī jaatī thī kamar bojh se merī

jab ḳhvāb liye kūcha-e-tā'bīr se niklā

wo yunhi nahin 'ishq ki jagir se nikla

majburi-e-nan-o-namak-o-shir se nikla

paya hai kisi daera-e-KHak mein KHud ko

main jab bhi kisi halqa-e-zanjir se nikla

ye samne jo Dher KHazane ka paDa hai

naqshe se nahin laghzish-e-rahgir se nikla

kya hota agar main nazar-andaz na karta

jo dusra matlab teri tahrir se nikla

dohri hui jati thi kamar bojh se meri

jab KHwab liye kucha-e-ta'bir se nikla