aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wusat-e-chashm ko andoh-e-basarat likkha

Azm Bahzad

wusat-e-chashm ko andoh-e-basarat likkha

Azm Bahzad

MORE BYAzm Bahzad

    vus.at-e-chashm ko andoh-e-basārat likkhā

    maiñ ne ik vasl ko ik hijr hālat likkhā

    maiñ ne likkhā ki saf-e-dil kabhī ḳhālī na huī

    aur ḳhālī jo huī bhī to malāmat likkhā

    ye safar paañv hilāne nahīñ aañkh hai

    maiñ ne is baab meñ rukne ko masāfat likkhā

    likhne vāloñ ne to hone sabab likkhā hai

    maiñ ne hone ko na hone vazāhat likkhā

    ashk agar sab ne likhe maiñ ne sitāre likkhe

    ājizī sab ne likhī maiñ ne ibādat likkhā

    maiñ ne ḳhushbū ko likhā dastaras-e-gumshudagī

    rañg ko fāsla rakhne ri.āyat likkhā

    zaḳhm likhne ke liye maiñ ne likhī hai ġhaflat

    ḳhuun likhnā thā magar maiñ ne harārat likkhā

    maiñ ne parvāz likhī hadd-e-falak se aage

    aur hai bāl-o-parī ko bhī nihāyat likkhā

    husn-e-goyā.ī ko likhnā thā likhī sargoshī

    shor likhnā thā sau āzār-e-samā.at likkhā

    itne dāvoñ se guzar kar ye ḳhayāl aatā hai

    'azm' kyā tum ne kabhī harf-e-nadāmat likkhā

    wusat-e-chashm ko andoh-e-basarat likkha

    main ne ek wasl ko ek hijr ki haalat likkha

    main ne likkha ki saf-e-dil kabhi KHali na hui

    aur KHali jo hui bhi to malamat likkha

    ye safar panw hilane ka nahin aankh ka hai

    main ne is bab mein rukne ko masafat likkha

    likhne walon ne to hone ka sabab likkha hai

    main ne hone ko na hone ki wazahat likkha

    ashk agar sab ne likhe main ne sitare likkhe

    aajizi sab ne likhi main ne ibaadat likkha

    main ne KHushbu ko likha dastaras-e-gumshudagi

    rang ko fasla rakhne ki riayat likkha

    zaKHm likhne ke liye main ne likhi hai ghaflat

    KHun likhna tha magar main ne hararat likkha

    main ne parwaz likhi hadd-e-falak se aage

    aur hai baal-o-pari ko bhi nihayat likkha

    husn-e-goyai ko likhna tha likhi sargoshi

    shor likhna tha sau aazar-e-samaat likkha

    itne dawon se guzar kar ye KHayal aata hai

    'azm' kya tum ne kabhi harf-e-nadamat likkha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now