zaban hai na-tawani se agar band

zabāñ hai nā-tavānī se agar band

mire dil par nahīñ mā'nī ke dar band

hamārī bekasī kab tak chhupegī

ḳhudā par to nahīñ rāh-e-ḳhabar band

ba-yād-e-ranj-e-yārān-e-nazar-band

kiyā ham ne bhī ab milne kā dar band

diloñ meñ dard hī kī kuchh kamī hai

nahīñ hai aah par rāh-e-asar band

but-e-mashriq nahīñ muhtāj-e-sāmāñ

kamar hī jab nahīñ kaisā kamar-band

kahūñgā marsiya is ġham meñ aisā

khule mā'nī dikhā.e jis kā har band

ḳhayāl-e-chashm-e-fattāñ meñ huā mahv

mirā dil ab hai siine meñ nazar-band

zaban hai na-tawani se agar band

mere dil par nahin ma'ni ke dar band

hamari bekasi kab tak chhupegi

KHuda par to nahin rah-e-KHabar band

ba-yaad-e-ranj-e-yaran-e-nazar-band

kiya hum ne bhi ab milne ka dar band

dilon mein dard hi ki kuchh kami hai

nahin hai aah par rah-e-asar band

but-e-mashriq nahin muhtaj-e-saman

kamar hi jab nahin kaisa kamar-band

kahunga marsiya is gham mein aisa

khule ma'ni dikhae jis ka har band

KHayal-e-chashm-e-fattan mein hua mahw

mera dil ab hai sine mein nazar-band