ذرا بس کھولنا تھا اس کے گیسوئے پریشاں کو

ذرا بس کھولنا تھا اس کے گیسوئے پریشاں کو

جو باقی رہ گیا تھا سونپ آئے ہم بیاباں کو

جنوں ہنستا ہے اکثر چھیڑتا ہے ہم کو یہ کہہ کر

کشادہ کیوں سمجھ بیٹھے تھے آخر دشت امکاں کو

سنا ہے دودھیا گالوں میں کوئی چاند دیکھا تھا

معالج پوچھتا تھا کیا مرض ہے چشم حیراں کو

ہمیں معلوم تھا میعاد عمر ہجر بڑھنی ہے

سبب یہ تھا جواں رکھنے کا دل میں وصل ارماں کو

یہ مضموں اس قدر پیچیدہ شاید یوں نہیں ہوتا

مشخص کر دیا ہوتا جو ہم نے متن عنواں کو