hath se pal-bhar mein said-e-be-zaban jata raha

haath se pal-bhar meñ said-e-be-zabāñ jaatā rahā

sochtī hai ahliya shauhar kahāñ jaatā rahā

rauzan-e-dar se nazar aaya jo mehmānoñ kā ġhol

pichhle darvāze se chhup kar mezbāñ jaatā rahā

ban ke dul.han us hasīñ ne jab se rakkhā hai qadam

āshiyāne se mire amn-o-amāñ jaatā rahā

ban bhī saktā hai kisī din tere piTne kā sabab

tū isī raftār se gar us ke haañ jaatā rahā

guftugū us ne sunī jab roz-marra ke ḳhilāf

ahliya ko chhoḌ kar ahl-e-zabāñ jaatā rahā

phone par jab us ne mujh se khilkhilā kar baat kī

dil ke andar thā jo ehsās-e-garāñ jaatā rahā

raid kar ke jo barāmad kar liyā police ne

baa'd meñ us maal kā nām-o-nishāñ jaatā rahā

hath se pal-bhar mein said-e-be-zaban jata raha

sochti hai ahliya shauhar kahan jata raha

rauzan-e-dar se nazar aaya jo mehmanon ka ghol

pichhle darwaze se chhup kar mezban jata raha

ban ke dulhan us hasin ne jab se rakkha hai qadam

aashiyane se mere amn-o-aman jata raha

ban bhi sakta hai kisi din tere piTne ka sabab

tu isi raftar se gar us ke han jata raha

guftugu us ne suni jab roz-marra ke KHilaf

ahliya ko chhoD kar ahl-e-zaban jata raha

phone par jab us ne mujh se khilkhila kar baat ki

dil ke andar tha jo ehsas-e-garan jata raha

raid kar ke jo baramad kar liya police ne

ba'd mein us mal ka nam-o-nishan jata raha