info iconClick on any word for its meaning

aa.e ho ghar se uTh kar mere makāñ ke uupar


tum ne mehrbānī be-ḳhānumāñ ke uupar

aadam-e-ḳhākī se aalam ko jilā hai varna


ā.īna thā to magar qābil-e-dīdār na thā

aag the ibtidā-e-ishq meñ ham


ab jo haiñ ḳhaak intihā hai ye

aah-e-sahar ne sozish-e-dil ko miTā diyā


is baad ne hameñ to diyā bujhā diyā

āshiqoñ ḳhastagī bad-halī parvā nahīñ


ai sarāpā naaz ne be-niyāzī ḳhuub

āvargān-e-ishq pūchhā jo maiñ nishāñ


musht-e-ġhubār le ke sabā ne uḌā diyā

ab dekh le ki siina bhī taaza huā hai chaak


phir ham se apnā haal dikhāyā na jā.egā

ab jo ik hasrat-e-javānī hai


umr-e-rafta ye nishānī hai

ab kar ke farāmosh to nāshād karoge


par ham jo na hoñge to bahut yaad karoge

ab ke junūñ meñ fāsla shāyad na kuchh rahe


dāman ke chaak aur girebāñ ke chaak meñ

ab mujh za.iif-o-zaar ko mat kuchh kahā karo


jaatī nahīñ hai mujh se kisū uThā.ī baat

ab to jaate haiñ but-kade se 'mīr'


phir mileñge agar ḳhudā laayā

ahd-e-javānī ro ro kaaTā piirī meñ liiñ āñkheñ muuñd


yaanī raat bahut the jaage sub.h huī ārām kiyā

amiir-zādoñ se dillī ke mil na tā-maqdūr


ki ham ġharīb hue haiñ inhīñ daulat se

baal-o-par bhī ga.e bahār ke saath


ab tavaqqo.a nahīñ rihā.ī

baare duniyā meñ raho ġham-zada shaad raho


aisā kuchh kar ke chalo yaañ ki bahut yaad raho

baare duniyā se raho ġham-zada shaad raho


aisā kuchh kar ke chalo yaañ ki bahut yaad raho

bahut kuchh kahā hai karo 'mīr' bas


ki allāh bas aur baaqī havas

bazm-e-ishrat meñ malāmat ham nigūñ baḳhtoñ ke ta.iiñ


juuñ hubāb-e-baada sāġhar sar-nigūñ ho jā.egā

be-ḳhudī le ga.ī kahāñ ham ko


der se intizār hai apnā

bevafā.ī pe terī hai fidā


qahr hotā jo bā-vafā hotā

bulbul ġhazal-sarā.ī aage hamāre mat kar


sab ham se sīkhte haiñ andāz guftugū