galiyon mein ab talak to mazkur hai hamara
galiyoñ meñ ab talak to mazkūr hai hamārā
afsāna-e-mohabbat mash.hūr hai hamārā
maqsūd ko to dekheñ kab tak pahuñchte haiñ ham
bil-fe’l ab irāda tā-gor hai hamārā
kyā aarzū thī jis se sab chashm ho ga.e haiñ
har zaḳhm sau jagah se nāsūr hai hamārā
taiñ aah 'ishq-bāzī chaupaḌ 'ajab bichā.ī
kachchī paḌīñ haiñ nardeñ ghar duur hai hamārā
tā-chand pusht-e-pā par sharm-o-hayā se āñkheñ
ahvāl kuchh bhī tum ko manzūr hai hamārā
be-tāqatī kareñ to tum bhī mu'āf rakhiyo
kyā kījiye ki dil bhī majbūr hai hamārā
haiñ musht-e-ḳhāk lekin jo kuchh haiñ 'mīr' ham haiñ
maqdūr se ziyāda maqdūr hai hamārā
galiyon mein ab talak to mazkur hai hamara
afsana-e-mohabbat mashhur hai hamara
maqsud ko to dekhen kab tak pahunchte hain hum
bil-fe’l ab irada ta-gor hai hamara
kya aarzu thi jis se sab chashm ho gae hain
har zaKHm sau jagah se nasur hai hamara
tain aah 'ishq-bazi chaupaD 'ajab bichai
kachchi paDin hain narden ghar dur hai hamara
ta-chand pusht-e-pa par sharm-o-haya se aankhen
ahwal kuchh bhi tum ko manzur hai hamara
be-taqati karen to tum bhi mu'af rakhiyo
kya kijiye ki dil bhi majbur hai hamara
hain musht-e-KHak lekin jo kuchh hain 'mir' hum hain
maqdur se ziyaada maqdur hai hamara
- Book : MIRIYAAT - Diwan No- 1, Ghazal No- 0069
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.