mare hi Dale hai jis ka zindagi mein iztirab

maare hī Daale hai jis kā zindagī meñ iztirāb

saath mere dil gaḌā to aa chukā marne kā ḳhvāb

Tuk Thahartā bhī to kahte thā kisū bijlī kī taab

yā ki nik.hat gul kī thā aaya gayā ahd-e-shabāb

kī namāz-e-sub.h ko kho kar namāz ishrāq kī

ho gayā mujh par sitam uchTā na Tuk mastī meñ ḳhvāb

dekhnā muñh yaar kā is vaj.h se hotā nahīñ

yā ilāhī de zamāne se uThā rasm-e-naqāb

zo.af hai is ke maraz aur is ke ġham se al-ġharaz

dil badan meñ aadmī ke ek hai ḳhāna-ḳharāb

yaar meñ ham meñ paḌā parda jo hai hastī hai ye

biich se uTh jaa.e to hove abhī raf.a-e-hijāb

sūrat-e-dīvār se muddat khaḌe dar par rahe

par kabhū sohbat meñ us kī ham hue na bāryāb

mai se tauba karte hī ma.aqūl agar ham jānte

ham pe shaiḳh-e-shahr barsoñ se kare hai ehtisāb

jam.a the ḳhūbāñ bahut lekin pasand us ko kiyā

kyā ġhalat maiñ ne kiyā ai 'mīr' vaqt-e-intiḳhāb

mare hi Dale hai jis ka zindagi mein iztirab

sath mere dil gaDa to aa chuka marne ka KHwab

Tuk Thaharta bhi to kahte tha kisu bijli ki tab

ya ki nikhat gul ki tha aaya gaya ahd-e-shabab

ki namaz-e-subh ko kho kar namaz ishraq ki

ho gaya mujh par sitam uchTa na Tuk masti mein KHwab

dekhna munh yar ka is wajh se hota nahin

ya ilahi de zamane se uTha rasm-e-naqab

zoaf hai is ke maraz aur is ke gham se al-gharaz

dil badan mein aadmi ke ek hai KHana-KHarab

yar mein hum mein paDa parda jo hai hasti hai ye

bich se uTh jae to howe abhi rafa-e-hijab

surat-e-diwar se muddat khaDe dar par rahe

par kabhu sohbat mein us ki hum hue na baryab

mai se tauba karte hi maqul agar hum jaante

hum pe shaiKH-e-shahr barson se kare hai ehtisab

jama the KHuban bahut lekin pasand us ko kiya

kya ghalat main ne kiya ai 'mir' waqt-e-intiKHab