KHuda kare ki buton se na aashnai ho
ḳhudā kare ki butoñ se na āshnā.ī ho
ki phir mue hī bane hai agar judā.ī ho
badan-numā hai har ā.īna lauh turbat kā
nazar jise ho use ḳhaak ḳhud-numā.ī ho
badī navishte kī tahrīr kyā karūñ apne
ki naama pahuñche to phir kāġhaz-e-havā.ī ho
faro na aave sar us kā tavāf-e-kā’ba se
nasīb jis ke tire dar kī jab.ha-sā.ī ho
hamārī chaah na yūsuf hī par hai kuchh mauqūf
nahīñ hai vo to koī aur us kā bhaa.ī ho
galī meñ us kī rahā jā ke jo koī so rahā
vahī to jaave hai vaañ jis kisū kī aa.ī ho
lab-e-savāl na ik bose ke liye kholūñ
hazār mehr-o-mohabbat meñ be-navā.ī ho
zamāna yaar nahīñ apne baḳht se itnā
ki mudda’ī se use ek din laḌā.ī ho
jafā-o-jaur-o-sitam us ke aap hī sahiye
jo apne hausle meñ kuchh bhī ab samā.ī ho
hazār mausam-e-gul to ga.e asīrī meñ
dikhā.ī de hai mue hī pe ab rihā.ī ho
chamakte dāñtoñ se us ke huī hai rū-kash 'mīr'
'ajab nahīñ hai ki bijlī kī jag-hañsā.ī ho
KHuda kare ki buton se na aashnai ho
ki phir mue hi bane hai agar judai ho
badan-numa hai har aaina lauh turbat ka
nazar jise ho use KHak KHud-numai ho
badi nawishte ki tahrir kya karun apne
ki nama pahunche to phir kaghaz-e-hawai ho
faro na aawe sar us ka tawaf-e-ka’ba se
nasib jis ke tere dar ki jabha-sai ho
hamari chah na yusuf hi par hai kuchh mauquf
nahin hai wo to koi aur us ka bhai ho
gali mein us ki raha ja ke jo koi so raha
wahi to jawe hai wan jis kisu ki aai ho
lab-e-sawal na ek bose ke liye kholun
hazar mehr-o-mohabbat mein be-nawai ho
zamana yar nahin apne baKHt se itna
ki mudda’i se use ek din laDai ho
jafa-o-jaur-o-sitam us ke aap hi sahiye
jo apne hausle mein kuchh bhi ab samai ho
hazar mausam-e-gul to gae asiri mein
dikhai de hai mue hi pe ab rihai ho
chamakte danton se us ke hui hai ru-kash 'mir'
'ajab nahin hai ki bijli ki jag-hansai ho
Source:
MIRIYAAT - Diwan No- 2, Ghazal No- 0923
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.