sabr kar rah jo wo itab kare

sabr kar rah jo vo itaab kare

varna kyā jaane kyā ḳhitāb kare

ishq meñ dil bahut hai be-ārām

chain deve to koī ḳhvāb kare

vaqt yaañ kam hai chāhiye aadam

karnā jo kuchh ho so shitāb kare

phaaḌ kar ḳhat ko un ne pheñk diyā

nāma-bar is kā kyā javāb kare

hai bar-afroḳhta jo ḳhashm se vo

ātish-e-sho.ala-zan ko aab kare

hai to yak qatra ḳhuun hī lekin

qahr hai dil jo iztirāb kare

'mīr' uTh but-kade se ka.abe gayā

kyā kare jo ḳhudā ḳharāb kare

sabr kar rah jo wo itab kare

warna kya jaane kya KHitab kare

ishq mein dil bahut hai be-aram

chain dewe to koi KHwab kare

waqt yan kam hai chahiye aadam

karna jo kuchh ho so shitab kare

phaD kar KHat ko un ne phenk diya

nama-bar is ka kya jawab kare

hai bar-afroKHta jo KHashm se wo

aatish-e-shoala-zan ko aab kare

hai to yak qatra KHun hi lekin

qahr hai dil jo iztirab kare

'mir' uTh but-kade se kabe gaya

kya kare jo KHuda KHarab kare