yak umr dida-ha-e-sitam-dida tar rahe
yak umr dīda-hā-e-sitam-dīda tar rahe
āḳhir ko phuuT phuuT bahe qahr kar rahe
ham ne bhī nazr kī hai phireñge chaman ke gird
aane ta.iiñ bahār ke gar bāl-o-par rahe
kyā kahiye tere vāste ai māya-e-hayāt
kyā kyā aziiz apne ta.iiñ maar mar rahe
marte bhī apne haa.e vo hāzir na ho sakā
ham ishtiyāq-kash to bahut muhtazar rahe
murġhān-e-bāġh rahte haiñ ab ghere yuuñ mujhe
mātam-zadoñ ke halqe meñ juuñ nauhagar rahe
āġhosh us se ḳhālī rahī shab to tā-sahar
jeb-o-kanār girya-e-ḳhūnīñ se bhar rahe
naqsh-e-qadam ke taur tire ham haiñ pā.emāl
ġhālib hai ye ki der hamārā asar rahe
ab sabr-o-hosh-o-aql kī mere ye hai ma.āsh
juuñ qāfila luTā kahīñ aa kar utar rahe
lākhoñ hamāre dekhte ghar-bār se ga.e
kis ḳhānumāñ-ḳharāb ke ve jā ke ghar rahe
aatā kabhū to naaz se dikhlā.ī de bhī jā
darvāze hī kī or kahāñ tak nazar rahe
rakhnā tumhāre paañv kā khotā hai sar se hosh
ye chaal hai to apnī kise phir ḳhabar rahe
kyā bad-balā hai laag bhī dil kī ki 'mīr' jī
dāman-savār laḌkoñ ke ho kar nafar rahe
yak umr dida-ha-e-sitam-dida tar rahe
aaKHir ko phuT phuT bahe qahr kar rahe
hum ne bhi nazr ki hai phirenge chaman ke gird
aane tain bahaar ke gar baal-o-par rahe
kya kahiye tere waste ai maya-e-hayat
kya kya aziz apne tain mar mar rahe
marte bhi apne hae wo hazir na ho saka
hum ishtiyaq-kash to bahut muhtazar rahe
murghan-e-bagh rahte hain ab ghere yun mujhe
matam-zadon ke halqe mein jun nauhagar rahe
aaghosh us se KHali rahi shab to ta-sahar
jeb-o-kanar girya-e-KHunin se bhar rahe
naqsh-e-qadam ke taur tere hum hain paemal
ghaalib hai ye ki der hamara asar rahe
ab sabr-o-hosh-o-aql ki mere ye hai maash
jun qafila luTa kahin aa kar utar rahe
lakhon hamare dekhte ghar-bar se gae
kis KHanuman-KHarab ke we ja ke ghar rahe
aata kabhu to naz se dikhlai de bhi ja
darwaze hi ki or kahan tak nazar rahe
rakhna tumhaare panw ka khota hai sar se hosh
ye chaal hai to apni kise phir KHabar rahe
kya bad-bala hai lag bhi dil ki ki 'mir' ji
daman-sawar laDkon ke ho kar nafar rahe
- Book : MIRIYAAT - Diwan No- 2, Ghazal No- 1003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.