aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

an-kahi

MORE BYHimayat Ali Shayar

    tujh ko ma.alūm nahīñ tujh ko bhalā kyā ma.alūm

    tere chehre ke ye saada se achhūte se nuqūsh

    merī taḳh.īl ko kyā rañg atā karte haiñ

    terī zulfeñ tirī āñkheñ tire aariz tire hoñT

    kaisī an-jānī ma.asūm ḳhatā karte haiñ

    tere qāmat lachaktā huā maġhrūr tanāv

    jaise phūloñ se ladī shāḳh havā meñ lahrā.e

    vo chhalakte hue sāġhar javānī vo badan

    jaise sho.ala nigāhoñ meñ lapak kar rah jaa.e

    ḳhalvat-e-bazm ho jalvat-e-tanhā.ī ho

    terā paikar mirī nazroñ meñ ubhar aatā hai

    koī saa.at ho koī fikr ho koī māhaul

    koī saa.at ho koī fikr ho koī māhaul

    mujh ko har samt tirā husn nazar aatā hai

    chalte chalte jo qadam aap ThiThak jaate haiñ

    sochtā huuñ ki kahīñ ne pukārā to nahīñ

    gum ho jaatī haiñ nazreñ to ḳhayāl aatā hai

    is meñ pinhāñ tirī āñkhoñ ishāra to nahīñ

    dhuup meñ saaya bhī hotā hai gurezāñ jis dam

    terī zulfeñ mire shānoñ pe bikhar jaatī haiñ

    jhuk ke jab sar kisī patthar pe Tikā detā huuñ

    terī bāheñ mirī gardan meñ utar aatī haiñ

    aañkh lagtī hai to dil ko ye gumāñ hotā hai

    sar-e-bālīñ koī baiThā hai baḌe pyaar ke saath

    mere bikhre hue uljhe hue bāloñ meñ koī

    uñgliyāñ phertā jaatā hai baḌe pyaar ke saath

    jaane kyuuñ tujh se dil-e-zār ko itnī hai lagan

    kaisī kaisī na tamannāoñ tamhīd hai

    din meñ ik shab-e-mahtāb hai merī ḳhātir

    sard rātoñ meñ mire vāste ḳhurshīd hai

    apnī dīvāngi-e-shauq pe hañstā bhī huuñ maiñ

    aur phir apne ḳhayālāt meñ kho jaatā huuñ

    tujh ko apnāne himmat hai na kho dene zarf

    kabhī hañste kabhī rote hue so jaatā huuñ maiñ

    kis ko ma.alūm mire ḳhvāboñ ta.abīr hai kyā

    kaun jaane ki mire ġham haqīqat kyā hai

    maiñ samajh bhī luuñ agar is ko mohabbat junūñ

    tujh ko is ishq-e-junūñ-ḳhez se nisbat kyā hai

    tujh ko ma.alūm nahīñ tujh ko na hogā ma.alūm

    tere chehre ke ye saada se achhūte se nuqūsh

    merī taḳh.īl ko kyā rañg atā karte haiñ

    terī zulfeñ terī āñkheñ tire aariz tire hoñT

    kaisī an-jānī ma.asūm ḳhatā karte haiñ

    tujh ko malum nahin tujh ko bhala kya malum

    tere chehre ke ye sada se achhute se nuqush

    meri taKHil ko kya rang ata karte hain

    teri zulfen teri aankhen tere aariz tere honT

    kaisi an-jaani si masum KHata karte hain

    tere qamat ka lachakta hua maghrur tanaw

    jaise phulon se ladi shaKH hawa mein lahrae

    wo chhalakte hue saghar si jawani wo badan

    jaise shoala sa nigahon mein lapak kar rah jae

    KHalwat-e-bazm ho ya jalwat-e-tanhai ho

    tera paikar meri nazron mein ubhar aata hai

    koi saat ho koi fikr ho koi mahaul

    koi saat ho koi fikr ho koi mahaul

    mujh ko har samt tera husn nazar aata hai

    chalte chalte jo qadam aap ThiThak jate hain

    sochta hun ki kahin tu ne pukara to nahin

    gum si ho jati hain nazren to KHayal aata hai

    is mein pinhan teri aankhon ka ishaara to nahin

    dhup mein saya bhi hota hai gurezan jis dam

    teri zulfen mere shanon pe bikhar jati hain

    jhuk ke jab sar kisi patthar pe Tika deta hun

    teri bahen meri gardan mein utar aati hain

    aankh lagti hai to dil ko ye guman hota hai

    sar-e-baalin koi baiTha hai baDe pyar ke sath

    mere bikhre hue uljhe hue baalon mein koi

    ungliyan pherta jata hai baDe pyar ke sath

    jaane kyun tujh se dil-e-zar ko itni hai lagan

    kaisi kaisi na tamannaon ki tamhid hai tu

    din mein tu ek shab-e-mahtab hai meri KHatir

    sard raaton mein mere waste KHurshid hai tu

    apni diwangi-e-shauq pe hansta bhi hun main

    aur phir apne KHayalat mein kho jata hun

    tujh ko apnane ki himmat hai na kho dene ka zarf

    kabhi hanste kabhi rote hue so jata hun main

    kis ko malum mere KHwabon ki tabir hai kya

    kaun jaane ki mere gham ki haqiqat kya hai

    main samajh bhi lun agar is ko mohabbat ka junun

    tujh ko is ishq-e-junun-KHez se nisbat kya hai

    tujh ko malum nahin tujh ko na hoga malum

    tere chehre ke ye sada se achhute se nuqush

    meri taKHil ko kya rang ata karte hain

    teri zulfen teri aankhen tere aariz tere honT

    kaisi an-jaani si masum KHata karte hain

    Videos
    This video is playing from YouTube

    Videos
    This video is playing from YouTube

    Himayat Ali Shayar

    Himayat Ali Shayar

    Tagged Under

    This content features in following collection(s)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now