aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aurat

Majeed Amjad

aurat

Majeed Amjad

MORE BYMajeed Amjad

    prem mandir paak devī husn mamlikat raanī

    hayāt-e-insāñ qismatoñ par tirī nigāhoñ hukmarānī

    jahān-e-ulfat tirī qalam-rau harīm-e-dil terī rājdhānī

    bahār-e-fitrat tire lab-e-lāl-gūñ doshīza muskurāhaT

    nizām-e-kaunain terī āñkhoñ ke surḳh Doroñ thartharāhaT

    faroġh-e-sad-kā.enāt terī jabīn sīmīñ zau-fishānī

    bhaḌakte sīnoñ meñ bas rahī haiñ qarār ban kar tirī adā.eñ

    tarastī rūhoñ ko jām-e-ishrat pilā rahī haiñ tirī vafā.eñ

    rag-e-jahāñ meñ thirak rahī hai sharāb ban kar tirī javānī

    dimāġh-e-parvar-digār meñ jo azal ke din se machal rahā thā

    zabān-e-taḳhlīq-e-dahr se bhī na jis iz.hār ho sakā thā

    numūd terī usī muqaddas hasīñ taḳhayyul tarjumānī

    hai vādi-e-nīl par tirā abr-e-zulf sāya-kunāñ abhī tak

    haiñ jām-e-īrāñ mai meñ tere laboñ shīrīniyāñ abhī tak

    fasāna-go hai tirī abhī tak hadīs-e-yūnāñ ḳhūñ-chakānī'

    hai terī ulfat ke raag par mauj-e-rūd-e-gañgā ko vajd ab tak

    tirī mohabbat aag meñ jal rahā hai sahrā-e-najd ab tak

    jamāl-e-zahra tire malā.ek fareb jalvoñ ik nishānī

    tirī nigāhoñ ke sahar se gul-fishāñ hai sher o adab duniyā

    tire tabassum ke kaif se hai ye ġham duniyā tarab duniyā

    tire laboñ miThās se shakkarīñ hai zahrāb-e-zindagānī

    tirā tabassum kalī kalī meñ tirā tarannum chaman chaman meñ

    rumūz-e-hastī ke pech-o-ḳham tere gesuoñ shikan shikan meñ

    kitāb-e-tārīḳh-e-zindagī ke varaq varaq par tirī kahānī

    jo na hotī to yuuñ daraḳhshanda sham-e-bazm-e-jahāñ na hotī

    vajūd-e-arz-o-samā na hotā numūd-e-kaun-o-makāñ na hotī

    bashar mahdūdiyat ḳhātir tarastī aalam be-karānī

    tu prem mandir ki pak dewi tu husn ki mamlikat ki rani

    hayat-e-insan ki qismaton par teri nigahon ki hukmarani

    jahan-e-ulfat teri qalam-rau harim-e-dil teri rajdhani

    bahaar-e-fitrat tere lab-e-lal-gun ki doshiza muskurahaT

    nizam-e-kaunain teri aankhon ke surKH Doron ki thartharahaT

    farogh-e-sad-kaenat teri jabin simin ki zau-fishani

    bhaDakte sinon mein bas rahi hain qarar ban kar teri adaen

    tarasti ruhon ko jam-e-ishrat pila rahi hain teri wafaen

    rag-e-jahan mein thirak rahi hai sharab ban kar teri jawani

    dimagh-e-parwar-digar mein jo azal ke din se machal raha tha

    zaban-e-taKHliq-e-dahr se bhi na jis ka izhaar ho saka tha

    numud teri usi muqaddas hasin taKHayyul ki tarjumani

    hai wadi-e-nil par tera abr-e-zulf saya-kunan abhi tak

    hain jam-e-iran ki mai mein tere labon ki shiriniyan abhi tak

    fasana-go hai teri abhi tak hadis-e-yunan ki KHun-chakani'

    hai teri ulfat ke rag par mauj-e-rud-e-ganga ko wajd ab tak

    teri mohabbat ki aag mein jal raha hai sahra-e-najd ab tak

    jamal-e-zahra tere malaek fareb jalwon ki ek nishani

    teri nigahon ke sahar se gul-fishan hai sher o adab ki duniya

    tere tabassum ke kaif se hai ye gham ki duniya tarab ki duniya

    tere labon ki miThas se shakkarin hai zahrab-e-zindagani

    tera tabassum kali kali mein tera tarannum chaman chaman mein

    rumuz-e-hasti ke pech-o-KHam tere gesuon ki shikan shikan mein

    kitab-e-tariKH-e-zindagi ke waraq waraq par teri kahani

    jo tu na hoti to yun daraKHshanda sham-e-bazm-e-jahan na hoti

    wajud-e-arz-o-sama na hota numud-e-kaun-o-makan na hoti

    bashar ki mahdudiyat ki KHatir tarasti aalam ki be-karani

    Source:

    Kulliyaat-e-majiid Amjad (Pg. 209)

    • Author: Majiid Amjad
      • Edition: 2011
      • Publisher: Farid Book Depot (p) Ltd.
      • Year of Publication: 2011

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now