baadshah
aap bādshāh haiñ
hameñ bhuul kyuuñ nahīñ jaate
ham bahut chhoTe haiñ
hamārī zindagī
ham se bhī ziyāda chhoTī hai
aap agar chāheñ
to use apne juute ke
agle hisse ke nīche mukammal kar sakte haiñ
magar aap ne to hameñ
apne juute meñ nikal aane vaalī kiil
samajh liyā hai
aap kā ḳhayāl
kaise ġhalat ho saktā hai
aap bādshāh haiñ
agar aap ko ġhussa aa jaa.e
to aap hañs sakte haiñ
hameñ aur hamāre dostoñ ko
hāthī ke pairoñ meñ baiThe dekh kar
aap āsmān hī
hamāre gharoñ par gir sakte haiñ
jahāñ ham bedār hue the
apne muñh meñ
lakḌī kā chamcha le ke
kisī bādshāh se ziyāda
bādshāh
aap baadshah hain
hamein bhul kyun nahin jate
hum bahut chhoTe hain
hamari zindagi
hum se bhi ziyaada chhoTi hai
aap agar chahen
to use apne jute ke
agle hisse ke niche mukammal kar sakte hain
magar aap ne to hamein
apne jute mein nikal aane wali kil
samajh liya hai
aap ka KHayal
kaise ghalat ho sakta hai
aap baadshah hain
agar aap ko ghussa aa jae
to aap hans sakte hain
hamein aur hamare doston ko
hathi ke pairon mein baiThe dekh kar
aap aasman hi
hamare gharon par gir sakte hain
jahan hum bedar hue the
apne munh mein
lakDi ka chamcha le ke
kisi baadshah se ziyaada
baadshah
- Book : saarii nazmen (Pg. 128)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
