چڑیاں
مل مل کر ہٹنا پتوں کا
تھم تھم کر کھلنا کلیوں کا
ٹکرائے جانا لہروں کا
جگ مگ ہے مندر نغموں کا
پیاری چڑیو چہکے جاؤ
سورج کی چنچل کرنوں سے
ڈھلتے ہیں جب راگ تمہارے
ایسے رنگیں ایسے میٹھے
کیا ہوں گے دنیا کے گانے
پیاری چڑیو چہکے جاؤ
آنکھیں ہیں ہر دم ہنسنا ہے
دل اک راحت کی دنیا ہے
ایک تڑپ ہے ایک مزہ ہے
جانے تم میں کون چھپا ہے
پیاری چڑیو چہکے جاؤ
روٹھی ہوئی قسمت کو منائیں
بھٹکے ہوئے ہیں راہ پہ آئیں
اپنی اپنی منزل پائیں
ہاں جب تک سب جاگ نہ جائیں
پیاری چڑیو چہکے جاؤ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
