چیزیں اپنی جگہ تبدیل کرنا چاہتی ہیں
اس لفظ کا
کیا مطلب ہے جو
تم محبت میں شکر گزاری کے لیے
ایک خاصے موقعے پر
استعمال کرتی ہو
کسی اور جگہ
کسی اور شخص کے سامنے
جذبات کے شدت سے اظہار کے لیے
کیا اسی طرح اس لفظ کو
دہرایا جا سکتا ہے؟
کیا اسے کہتے ہوئے
لفظوں کی ساخت
اور درست ادائیگی کا
ہمیشہ خیال رکھنا ہوگا؟
کیا میری تھوڑی سی
بے احتیاطی اس کا مفہوم
بہت زیادہ تبدیل تو نہیں کر دے گی
کیا اس لفظ کے لیے
کسی دوسری زبان میں
کوئی متبادل لفظ
زیادہ مددگار ثابت نہیں ہوگا؟
اور سب باتوں کے باوجود
میں جو کچھ چاہتا ہوں
شاید واضح نہ ہو سکے
اس لفظ کے لیے
جو تم کہتی ہو ایک خاص موقعے پر
محبت میں شکر گزاری کے طور پر
جب ہمیشہ کی طرح
چیزیں اپنی جگہ تبدیل کرنا چاہتی ہیں
- کتاب : saarii nazmen (Pg. 318)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
