death certificate par likhi ek nazm
maiñ us aadmī kī zabān
kaaT denā chāhtī huuñ
jis ne pahlī baar
paañv chāTne kī rivāyat qaa.em kī
maiñ us laḌkī ke haath
qalam karnā chāhtī huuñ
jis ne pahlī baar
ek mard ke pairoñ ko chhuā
us maañ ko sangsār karnā chāhtī huuñ
jis ne beTī ke ḳhvāb phaaḌ kar
beTe kī kitāboñ par kavar chaḌhā.e
aur beTī ko badbū-dār shauhar dete hue
beTe se aatī koThe kī ḳhushbū
nazar-andāz kar dī
us baap ko
kuuḌe ke jalte hue Dher meñ
dabā denā chāhtī huuñ
jis ne apne bistar meñ
ek kuñvārī laḌkī hāmila kī
aur beTī ko
ġhairat kī tiilī se phūñk diyā
main us aadmi ki zaban
kaT dena chahti hun
jis ne pahli bar
panw chaTne ki riwayat qaem ki
main us laDki ke hath
qalam karna chahti hun
jis ne pahli bar
ek mard ke pairon ko chhua
us man ko sangsar karna chahti hun
jis ne beTi ke KHwab phaD kar
beTe ki kitabon par kawar chaDhae
aur beTi ko badbu-dar shauhar dete hue
beTe se aati koThe ki KHushbu
nazar-andaz kar di
us bap ko
kuDe ke jalte hue Dher mein
daba dena chahti hun
jis ne apne bistar mein
ek kunwari laDki hamila ki
aur beTi ko
ghairat ki tili se phunk diya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
