اغتصاب (ریپ)

شیخ فرماتے ہیں

ڈارون جھوٹا تھا

انسان کب بندر تھا

انسان تو ایسا کبھی بھی نہیں تھا

شیخ فرماتے ہیں

لٹکنا جھپٹنا کبھی منہ چڑھانا

یہ عادت ہماری بھی کبھی نہیں تھی

مری عادتوں میں یہ سب نہیں تھے

کتابیں تو کہتی ہیں ہم بندر نہیں تھے

ماضی کے جب بھی جھروکے سے دیکھو

تاریخ کے جب بھی اوراق پلٹو

اپنے ہی گھر میں ذرا پیچھے جا کر

محلوں کی گلیوں میں کچھ دیر رک کر

جو شہروں و ملکوں کی سرحد پہ جاؤ

ذرا دیر رک کر کبھی سوچ لو تو

خود اپنے سے شرمندہ ہوتے رہو گے

اکیلے میں خود سے یہ کہتے رہو گے

لٹکنا جھپٹنا کبھی منہ چڑھانا

انساں کی عادت پرانی رہی ہے

اگر شیخ کچھ کہہ رہے ہیں تو کہہ لیں

معصوموں پر ہم جھپٹتے رہیں گے

شریفوں کو ہم منہ چڑھاتے رہیں گے

ہم ظالم ہیں ظلمت بڑھاتے رہیں گے

اگر شیخ کچھ کہہ رہے ہیں تو کہہ لیں

ہم ڈارون کو سچ ثابت کر کے رہیں گے