aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

inkishaf

Rashid Aazar

inkishaf

Rashid Aazar

MORE BYRashid Aazar

    sar-e-bazm kal mujhe dekh kar

    vo isī ḳhayāl se Dar ga.ī

    ki maiñ us or havāoñ meñ

    kahīñ apnā bosa uḌā na duuñ

    vo simaT ke aur sañvar ga.ī

    kuchh ajiib ḳhauf dil meñ thā

    mujhe dekh kar vo palaT ga.ī

    na to bhuul hai na to yaad hai

    ye supurdagī tazād hai

    vo khaḌe khaḌe jaise so ga.ī

    vo tasavvurāt meñ kho ga.ī

    vo tasavvurāt bhī ḳhuub the

    maiñ daraḳht ban ke khaḌā rahā

    to vo bel ban ke lipaT ga.ī

    maiñ taras rahā thā sugandh ko

    to vo shāḳh-e-gul lachak ga.ī

    mirā jhūT-mūT nashsha thā

    mujhe dekh kar vo bahak ga.ī

    bas isī us ko malāl thā

    ki vo ḳhvāb thā na ḳhayāl thā

    phir achānak aa ke qarīb

    kiyā jab kisī ne savāl to

    vo jo soch thī vo bikhar ga.ī

    maiñ samajh rahā thā ki ḳhush hai vo

    magar us ko dekh ke yuuñ lagā

    ki ye sochnā mirī bhuul thī

    mujhe dekh kar vo malūl thī

    sar-e-bazm kal mujhe dekh kar

    wo isi KHayal se Dar gai

    ki main us ki or hawaon mein

    kahin apna bosa uDa na dun

    wo simaT ke aur sanwar gai

    kuchh ajib KHauf sa dil mein tha

    mujhe dekh kar wo palaT gai

    na to bhul hai na to yaad hai

    ye supurdagi ka tazad hai

    wo khaDe khaDe jaise so gai

    wo tasawwuraat mein kho gai

    wo tasawwuraat bhi KHub the

    main daraKHt ban ke khaDa raha

    to wo bel ban ke lipaT gai

    main taras raha tha sugandh ko

    to wo shaKH-e-gul si lachak gai

    mera jhuT-muT ka nashsha tha

    mujhe dekh kar wo bahak gai

    bas isi ka us ko malal tha

    ki wo KHwab tha na KHayal tha

    phir achanak aa ke qarib hi

    kiya jab kisi ne sawal to

    wo jo soch thi wo bikhar gai

    main samajh raha tha ki KHush hai wo

    magar us ko dekh ke yun laga

    ki ye sochna meri bhul thi

    mujhe dekh kar wo malul thi

    RECITATIONS

    Fahad Husain

    Fahad Husain,

    Fahad Husain

    Inkishaf - Rashid Aazar Fahad Husain

    Source:

    Qarz-e-jan (Pg. 25)

    • Author: Rashid Azar
      • Edition: 2003
      • Publisher: Rashid Azar
      • Year of Publication: 2003

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now