خاموشی

سبھی نے کہا دل لگانا غلط ہے

مگر میں یہ سمجھا زمانا غلط ہے

یہ میری خطا ہے سزا بھی مجھے دے

دعا بھی مجھے دے قضا بھی مجھے دے

اگر ہو سکا تو کبھی لوٹ کر بھی

تجھے میں ملوں گا یہیں پر کہیں پر

مری یہ جو دنیا ترے ہی لیے تھی

لے میں چھوڑتا ہوں تری سرزمیں پر

مگر یاد رکھنا مری عاشقی کو

مرے ساتھ گزری وہ ہر اک گھڑی کو

ملیں گے اگر ہم کبھی اس جہاں میں

تو پھر سے سنیں گے اسی خامشی کو

وہی خامشی جو ہمارے لبوں پہ

ملاقات کے وقت آتی تھی اکثر

وہی خامشی جو ہمارے دلوں میں

نئے پیار کے گیت گاتی تھی اکثر

مجھے ہے خبر سب بدل سا گیا ہے

مگر خامشی کو یہ کہتے سنا ہے

چلو آج پھر سے وہی گیت گائیں

چلو اپنی چاہت کو پھر آزمائیں