khilauna maut bhi hai

mire jism ke paiñtraoñ se pareshāñ thī vo

maiñ ne samjhānā chāhā use

ḳhudā jāntā hai

ki rattī barābar mujhe aur jiine kī ḳhvāhish nahīñ

sach to ye hai

aise mehmān se muñh chhupānā

ki jo sirf mere liye āsmānoñ se aayā ho

sharminda kartā hai mujh ko

bhalā ek insāñ ke bas meñ kahāñ maut ko chheḌnā

maiñ to Dartā huuñ tum se

ye koī aur hai jo mire sard pairoñ ko phir garm kar ke

tumheñ chheḌtā hai

mire ghar ke chakkar lagāne pe majbūr kartā hai

magar vo sisaktī rahī

apne pairoñ ke chhāloñ ko rotī rahī

aur maiñ hairat-zada sochne par ye majbūr thā

kyā mirī maut bhī

mere marne ke din

merī sāñsoñ kī gintī ke baare meñ utnī hī anjān hai

jitnā maiñ

mere jism ke paintraon se pareshan thi wo

main ne samjhana chaha use

KHuda jaanta hai

ki ratti barabar mujhe aur jine ki KHwahish nahin

sach to ye hai

aise mehman se munh chhupana

ki jo sirf mere liye aasmanon se aaya ho

sharminda karta hai mujh ko

bhala ek insan ke bas mein kahan maut ko chheDna

main to Darta hun tum se

ye koi aur hai jo mere sard pairon ko phir garm kar ke

tumhein chheDta hai

mere ghar ke chakkar lagane pe majbur karta hai

magar wo sisakti rahi

apne pairon ke chhaalon ko roti rahi

aur main hairat-zada sochne par ye majbur tha

kya meri maut bhi

mere marne ke din

meri sanson ki ginti ke bare mein utni hi anjaan hai

jitna main