koi aawaz aati hai

ye jaadū kī koī bastī hai

yā mere taḳhayyul kī fusūñ-kārī

ki mere sāmne

ik dā.era-dar-dā.era phailī huī

ḳhvāboñ kī duniyā hai

jahāñ har aan

rang-o-nūr kī barsāt hotī hai

mirī socheñ mire jazbe mirā ehsās

ik paikar meñ Dhaltā hai

koī āvāz aatī hai

to merī ruuh ke pātāl se

lahreñ ubhartī haiñ

maiñ apne bojh se āzād ho kar

an-kahe lafzoñ ke bātin meñ utartā huuñ

to lā-mahdūd imkānāt ke manzar ubharte haiñ

ye jadu ki koi basti hai

ya mere taKHayyul ki fusun-kari

ki mere samne

ek daera-dar-daera phaili hui

KHwabon ki duniya hai

jahan har aan

rang-o-nur ki barsat hoti hai

meri sochen mere jazbe mera ehsas

ek paikar mein Dhalta hai

koi aawaz aati hai

to meri ruh ke patal se

lahren ubharti hain

main apne bojh se aazad ho kar

an-kahe lafzon ke baatin mein utarta hun

to la-mahdud imkanat ke manzar ubharte hain