meri chiDiyan hamesha mar jati hain
ḳhushī kī hālat meñ
yā aañsū bahāte hue
ḳhāmoshī ke saath
merī chiḌiyāñ hamesha mar jaatī haiñ
jab un se va.ada kiyā jaatā hai
ki unheñ sair karāne ke liye
shahr se bāhar le jaayā jā.egā
rañg-birañgī titliyoñ vaale pinjre meñ
ek saath baiThte hue
merī chiḌiyāñ hamesha mar jaatī haiñ
jab un se kahā jaatā hai
unheñ ek ġhair-ābād jazīre meñ le jā kar
āzād chhoḌ diyā jā.egā
reshmī Dorī se apne paroñ ko bañdhvāte hue
merī chiḌiyāñ hamesha mar jaatī haiñ
jab unheñ batāyā jaatā hai
agar vo chāheñ to chāñd ko chhū saktī haiñ
kabhī na kabhī
apne TuuTe hue paroñ ke saath
chāñd kī taraf jaate hue
merī chiḌiyāñ hamesha mar jaatī haiñ
KHushi ki haalat mein
ya aansu bahate hue
KHamoshi ke sath
meri chiDiyan hamesha mar jati hain
jab un se wada kiya jata hai
ki unhen sair karane ke liye
shahr se bahar le jaya jaega
rang-birangi titliyon wale pinjre mein
ek sath baiThte hue
meri chiDiyan hamesha mar jati hain
jab un se kaha jata hai
unhen ek ghair-abaad jazire mein le ja kar
aazad chhoD diya jaega
reshmi Dori se apne paron ko bandhwate hue
meri chiDiyan hamesha mar jati hain
jab unhen bataya jata hai
agar wo chahen to chand ko chhu sakti hain
kabhi na kabhi
apne TuTe hue paron ke sath
chand ki taraf jate hue
meri chiDiyan hamesha mar jati hain
- Book : saarii nazmen (Pg. 255)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
