aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ghaalib ka postmortem

Nashtar Amrohvi

ghaalib ka postmortem

Nashtar Amrohvi

MORE BYNashtar Amrohvi

    ek din 'ġhālib' ke paḌh kar sher merī ahliya

    mujh se bolī aap to kahte the in ko auliyā

    āshiq-e-bint-e-enab ko aap kahte haiñ valī

    fāqa-mastī meñ bhī har dam kar rahā hai mai-kashī

    pūjne se mah-jabīnoñ ke ye baaz aatā nahīñ

    aur phir kāfir kahe jaane se sharmātā nahīñ

    koī bhī mahvash akele meñ agar aa jaa.e haath

    chheḌḳhvānī kar diyā kartā thā aksar us ke saath

    bad-gumānī agar mahbūb hotā na Dar

    us ke pairoñ vo bosa letā rahtā raat bhar

    koī rakhtā thā agar us se zarā sharm-o-hijāb

    ro.ab dikhlāne ko us se kah diyā karte janāb

    ''ham se khul jaao ba-vaqt-e-mah-parastī ek din

    varna ham chheḌeñge rakh kar uzr-e-mastī ek din

    gar kisī mehmān ke aane hotī thī ḳhabar

    boriyā tak bhī nahīñ hotā thā us nañge ke ghar

    is liye chhā.ī huī thī us ke ghar meñ muflisī

    kal ke Dar se aaj piine meñ na kartā thā kamī

    mai-kashī ko gar koī saaqī nahīñ detā thā jaam

    ok se kar vo apnā chalā letā thā kaam

    marte marte bhī sharāb us na ho paa.ī thī kam

    jaam ko taktā rahā jab tak rahā āñkhoñ meñ dam

    us ke is kirdār par mujh se na karnā guftugū

    ḳhaak meñ jis ne milā ḳhāndānī aabrū

    is qadar pahuñche hue shā.er ye kirdār hai

    sher kahnā chhoḌ diije shā.erī be-kār hai

    is se pahle ki mirā barbād ho jaa.e ye ghar

    aap bas ghar meñ raheñ sher-o-adab ko chhoḌ kar

    mai-kashī aur aap hoñ matlūb-o-tālib tarah

    sochtī huuñ aap ho jaa.eñ na 'ġhālib' tarah

    ek din 'ghaalib' ke paDh kar sher meri ahliya

    mujh se boli aap to kahte the in ko auliya

    aashiq-e-bint-e-enab ko aap kahte hain wali

    faqa-masti mein bhi har dam kar raha hai mai-kashi

    pujne se mah-jabinon ke ye baz aata nahin

    aur phir kafir kahe jaane se sharmata nahin

    koi bhi mahwash akele mein agar aa jae hath

    chheDKHwani kar diya karta tha aksar us ke sath

    bad-gumani ka agar mahbub ki hota na Dar

    us ke pairon ka wo bosa leta rahta raat bhar

    koi rakhta tha agar us se zara sharm-o-hijab

    roab dikhlane ko us se kah diya karte janab

    ham se khul jao ba-waqt-e-mah-parasti ek din

    warna hum chheDenge rakh kar uzr-e-masti ek din

    gar kisi mehman ke aane ki hoti thi KHabar

    boriya tak bhi nahin hota tha us nange ke ghar

    is liye chhai hui thi us ke ghar mein muflisi

    kal ke Dar se aaj pine mein na karta tha kami

    mai-kashi ko gar koi saqi nahin deta tha jam

    ok se pi kar hi wo apna chala leta tha kaam

    marte marte bhi sharab us ki na ho pai thi kam

    jam ko takta raha jab tak raha aankhon mein dam

    us ke is kirdar par mujh se na karna guftugu

    KHak mein jis ne mila di KHandani aabru

    is qadar pahunche hue shaer ka ye kirdar hai

    sher kahna chhoD dije shaeri be-kar hai

    is se pahle ki mera barbaad ho jae ye ghar

    aap bas ghar mein rahen sher-o-adab ko chhoD kar

    mai-kashi aur aap hon matlub-o-talib ki tarah

    sochti hun aap ho jaen na 'ghaalib' ki tarah

    Source:

    Post Martum (Pg. 92)

    • Author: Nashtar Amrohvi
      • Edition: 2012
      • Publisher: M.R. Publications
      • Year of Publication: 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now