aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

anguThi

Akhtar Shirani

anguThi

Akhtar Shirani

MORE BYAkhtar Shirani

    chhupā.ūñ kyuuñ na dil meñ ḳhātim-e-gauhar-nigār us

    yahī le de ke mere paas hai ik yādgār us

    ye tanhā.ī meñ mere lab tak aa kar muskurātī hai

    aur apnī mālika tarah dil ko gudgudātī hai

    qalam ke saath mere haath meñ har vaqt rahtī hai

    aur us ke dast-e-rañgīñ ke fasāne mujh se kahtī hai

    talā.ī uñgliyoñ jab mujhe qissa sunātī hai

    tasavvur meñ sitāroñ ke se paikar khīñch laatī hai

    mirī 'salmā' ko is ne shaad aur nāshād dekhā hai

    gahe masrūr gaahe mā.il-e-fariyād dekhā hai

    ise ma.alūm haiñ achchhī tarah betābiyāñ us

    nahīñ poshīda is aañkh se be-ḳhvābiyāñ us

    shab-e-tanhā.ī meñ is ne use bedār paayā hai

    aur akasr dīda-e-sarshār ko ḳhūñ-bār paayā hai

    ise ma.alūm hai vo kis tarah maġhmūm rahtī thī

    kisī ke ġham meñ lutf-e-zīst se mahrūm rahtī thī

    mirā ḳhat paḌh ke vo kis kis naaz se masrūr hotī thī

    phir apnī bebasī par kis tarah ranjūr hotī thī

    ye shāhid hai ki us shām-e-ġham kyūñkar guzartī thī

    ye shāhid hai ki vo ro ro ke kyūñkar sub.h kartī thī

    vo jab dil thaam letī thī hujūm-e-ġham se ghabrā kar

    to ye kartī thī us ġham-gusārī dil ke paas aa kar

    ise ma.alūm hai jo dard thā us paak siine meñ

    basī haiñ us ke dil dhaḌkaneñ is ke nagīne meñ

    pahuñchtī haiñ shuā.eñ is jis dam chashm-e-hairāñ tak

    tasavvur mujh ko le uḌtā hai 'salmā' ke shabistāñ tak

    jahāñ 'salmā' ke aur mere sivā hotā nahīñ koī

    añgūThī khoī jaatī hai magar khotā nahīñ koī

    chhupaun kyun na dil mein KHatim-e-gauhar-nigar us ki

    yahi le de ke mere pas hai ek yaadgar us ki

    ye tanhai mein mere lab tak aa kar muskuraati hai

    aur apni malika ki tarah dil ko gudgudati hai

    qalam ke sath mere hath mein har waqt rahti hai

    aur us ke dast-e-rangin ke fasane mujh se kahti hai

    talai ungliyon ka jab mujhe qissa sunati hai

    tasawwur mein sitaron ke se paikar khinch lati hai

    meri 'salma' ko is ne shad aur nashad dekha hai

    gahe masrur gahe mail-e-fariyaad dekha hai

    ise malum hain achchhi tarah betabiyan us ki

    nahin poshida is ki aankh se be-KHwabiyan us ki

    shab-e-tanhai mein is ne use bedar paya hai

    aur akasr dida-e-sarshaar ko KHun-bar paya hai

    ise malum hai wo kis tarah maghmum rahti thi

    kisi ke gham mein lutf-e-zist se mahrum rahti thi

    mera KHat paDh ke wo kis kis naz se masrur hoti thi

    phir apni bebasi par kis tarah ranjur hoti thi

    ye shahid hai ki us ki sham-e-gham kyunkar guzarti thi

    ye shahid hai ki wo ro ro ke kyunkar subh karti thi

    wo jab dil tham leti thi hujum-e-gham se ghabra kar

    to ye karti thi us ki gham-gusari dil ke pas aa kar

    ise malum hai jo dard tha us pak sine mein

    basi hain us ke dil ki dhaDkanen is ke nagine mein

    pahunchti hain shuaen is ki jis dam chashm-e-hairan tak

    tasawwur mujh ko le uDta hai 'salma' ke shabistan tak

    jahan 'salma' ke aur mere siwa hota nahin koi

    anguThi khoi jati hai magar khota nahin koi

    Source:

    kulliyat-e-akhtar shirani (Pg. 53)

    • Author: akhtar shirani
      • Publisher: maktaba anokha jasoos kalan mahal
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now