aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shaa.irii mai.n ne iijaad kii

Afzal Ahmad Syed

shaa.irii mai.n ne iijaad kii

Afzal Ahmad Syed

MORE BYAfzal Ahmad Syed

    kaaGaz maraakashiyo.n ne iijaad kiyaa

    huruuf foniishiyo.n ne

    shaa.irii mai.n ne iijaad kii

    qabr khodne vaale ne tanduur iijaad kiyaa

    tanduur par qabza karne vaalo.n ne roTii kii parchii banaa.ii

    roTii lene vaalo.n ne qataar iijaad kii

    aur mil kar gaanaa siikhaa

    roTii kii qataar me.n jab chyuu.nTiyaa.n bhii aa kar kha.Dii ho ga.ii.n

    to faaqa iijaad ho gayaa

    shahtuut bechne vaale ne resham kaa kii.Daa iijaad kiyaa

    shaa.irii ne resham se la.Dkiyo.n ke liye libaas banaayaa

    resham me.n malbuus la.Dkiyo.n ke liye kuTniyo.n ne mahal-saraa iijaad kii

    jahaa.n jaa kar unho.n ne resham ke kii.De kaa pataa bataa diyaa

    faasle ne gho.De ke chaar paa.nv iijaad kiye

    tez-raftaarii ne rath banaayaa

    aur jab shikast iijaad hu.ii

    to mujhe tez-raftaar rath ke aage liTaa diyaa gayaa

    magar us vaqt tak shaa.irii mohabbat ko iijaad kar chukii thii

    mohabbat ne dil iijaad kiyaa

    dil ne KHema aur kashtiyaa.n banaa.ii.n

    aur duur-daraaz ke maqaamaat tai kiye

    KHvaaja-saraa ne machhlii paka.Dne kaa kaa.nTaa iijaad kiyaa

    aur so.e hu.e dil me.n chubho kar bhaag gayaa

    dil me.n chubhe hu.e kaa.nTe kii Dor thaamne ke liye

    niilaamii iijaad hu.ii

    aur

    jabr ne aaKHirii bolii iijaad kii

    mai.n ne saarii shaa.irii bech kar aag KHariidii

    aur jabr kaa haath jalaa diyaa

    kaaGaz maraakashiyo.n ne iijaad kiyaa

    huruuf foniishiyo.n ne

    shaa.irii mai.n ne iijaad kii

    qabr khodne vaale ne tanduur iijaad kiyaa

    tanduur par qabza karne vaalo.n ne roTii kii parchii banaa.ii

    roTii lene vaalo.n ne qataar iijaad kii

    aur mil kar gaanaa siikhaa

    roTii kii qataar me.n jab chyuu.nTiyaa.n bhii aa kar kha.Dii ho ga.ii.n

    to faaqa iijaad ho gayaa

    shahtuut bechne vaale ne resham kaa kii.Daa iijaad kiyaa

    shaa.irii ne resham se la.Dkiyo.n ke liye libaas banaayaa

    resham me.n malbuus la.Dkiyo.n ke liye kuTniyo.n ne mahal-saraa iijaad kii

    jahaa.n jaa kar unho.n ne resham ke kii.De kaa pataa bataa diyaa

    faasle ne gho.De ke chaar paa.nv iijaad kiye

    tez-raftaarii ne rath banaayaa

    aur jab shikast iijaad hu.ii

    to mujhe tez-raftaar rath ke aage liTaa diyaa gayaa

    magar us vaqt tak shaa.irii mohabbat ko iijaad kar chukii thii

    mohabbat ne dil iijaad kiyaa

    dil ne KHema aur kashtiyaa.n banaa.ii.n

    aur duur-daraaz ke maqaamaat tai kiye

    KHvaaja-saraa ne machhlii paka.Dne kaa kaa.nTaa iijaad kiyaa

    aur so.e hu.e dil me.n chubho kar bhaag gayaa

    dil me.n chubhe hu.e kaa.nTe kii Dor thaamne ke liye

    niilaamii iijaad hu.ii

    aur

    jabr ne aaKHirii bolii iijaad kii

    mai.n ne saarii shaa.irii bech kar aag KHariidii

    aur jabr kaa haath jalaa diyaa

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now