tamashai na mil pae

tavajjoh

vo yahāñ kis ko milī hai

ḳhudā ne kyā kasar chhoḌī thī koī

tavajjoh khīñchne kī

magar kyā haath aayā

tamāshā-gāh tak laa.e ga.e the muft meñ ham

ticket bhī vāpsī kā jeb meñ us ne hamārī rakh diyā thā

ki ham be-fikr ho kar khel kā us ke maza leñ

faqat tā'rīf karne ke 'evaz

taalī bajāne ke 'evaz jannat

baḌā in'ām thā

tamāshe raushnīyoñ ke bhī sab dilchasp the

magar phir bhī hameñ aisā nahīñ lagtā

tamāsha dhyān se dekhā kisī ne

vo jis ik vaah kī ḳhātir

ye saarā intizām us ne kiyā thā

diloñ se vo kabhī niklī kisī ke

agar ye sab ḳhudā ke saath ho saktā hai

to ham kyā

hamāre chhoTe moTe khel kyā

bāzīgarī kyā

sabab bantā nahīñ shikve kā koī

bilā matlab tamāsha dekhne vāloñ se apne ham ḳhafā haiñ

ḳhudā ko jab yahāñ achchhe tamāshā.ī na mil paa.e

to ham kyā haiñ

tawajjoh

wo yahan kis ko mili hai

KHuda ne kya kasar chhoDi thi koi

tawajjoh khinchne ki

magar kya hath aaya

tamasha-gah tak lae gae the muft mein hum

ticket bhi wapsi ka jeb mein us ne hamari rakh diya tha

ki hum be-fikr ho kar khel ka us ke maza len

faqat ta'rif karne ke 'ewaz

tali bajaane ke 'ewaz jannat

baDa in'am tha

tamashe raushniyon ke bhi sab dilchasp the

magar phir bhi hamein aisa nahin lagta

tamasha dhyan se dekha kisi ne

wo jis ek wah ki KHatir

ye sara intizam us ne kiya tha

dilon se wo kabhi nikli kisi ke

agar ye sab KHuda ke sath ho sakta hai

to hum kya

hamare chhoTe moTe khel kya

bazigari kya

sabab banta nahin shikwe ka koi

bila matlab tamasha dekhne walon se apne hum KHafa hain

KHuda ko jab yahan achchhe tamashai na mil pae

to hum kya hain