aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

guftugu (Hind Pak dosti ke nam)

Ali Sardar Jafri

guftugu (Hind Pak dosti ke nam)

Ali Sardar Jafri

MORE BYAli Sardar Jafri

    Interesting Fact

    Ali Sardar Jafri was invited to join the Atal Bihari Vajpey's delegation to Lahore but had to decline on account of ill health. Jafri sent a set of 10 cassettes of Sarhad to Vajpayee to be gifted to poets and writers of Pakistan as a message of love and friendship. This nazm was part of the audio collection.

    guftugū band na ho

    baat se baat chale

    sub.h tak shām-e-mulāqāt chale

    ham pe hañstī huī ye tāroñ bharī raat chale

    hoñ jo alfāz ke hāthoñ meñ haiñ sañg-e-dushnām

    tanz chhalkā.e to chhalkāyā kare zahr ke jaam

    tīkhī nazreñ hoñ tursh abrū-e-ḳhamdār raheñ

    ban paḌe jaise bhī dil sīnoñ meñ bedār raheñ

    bebasī harf ko zanjīr-ba-pā kar na sake

    koī qātil ho magar qatl-e-navā kar na sake

    sub.h tak Dhal ke koī harf-e-vafā aa.egā

    ishq aa.egā ba-sad laġhzish-e-pā aa.egā

    nazreñ jhuk jā.eñgī dil dhaḌke.eñge lab kāñpeñge

    ḳhāmushī bosa-e-lab ban ke mahak jā.egī

    sirf ġhunchoñ ke chaTakne sadā aa.egī

    aur phir harf-o-navā na zarūrat hogī

    chashm o abrū ke ishāroñ meñ mohabbat hogī

    nafrat uTh jā.egī mehmān muravvat hogī

    haath meñ haath liye saarā jahāñ saath liye

    tohfa-e-dard liye pyaar sauġhāt liye

    regzāroñ se adāvat ke guzar jā.eñge

    ḳhuuñ ke dariyāoñ se ham paar utar jā.eñge

    guftugū band na ho

    baat se baat chale

    sub.h tak shām-e-mulāqāt chale

    ham pe hañstī huī ye tāroñ bharī raat chale

    guftugu band na ho

    baat se baat chale

    subh tak sham-e-mulaqat chale

    hum pe hansti hui ye taron bhari raat chale

    hon jo alfaz ke hathon mein hain sang-e-dushnam

    tanz chhalkae to chhalkaya kare zahr ke jam

    tikhi nazren hon tursh abru-e-KHamdar rahen

    ban paDe jaise bhi dil sinon mein bedar rahen

    bebasi harf ko zanjir-ba-pa kar na sake

    koi qatil ho magar qatl-e-nawa kar na sake

    subh tak Dhal ke koi harf-e-wafa aaega

    ishq aaega ba-sad laghzish-e-pa aaega

    nazren jhuk jaengi dil dhaDkeenge lab kanpenge

    KHamushi bosa-e-lab ban ke mahak jaegi

    sirf ghunchon ke chaTakne ki sada aaegi

    aur phir harf-o-nawa ki na zarurat hogi

    chashm o abru ke ishaaron mein mohabbat hogi

    nafrat uTh jaegi mehman murawwat hogi

    hath mein hath liye sara jahan sath liye

    tohfa-e-dard liye pyar ki saughat liye

    regzaron se adawat ke guzar jaenge

    KHun ke dariyaon se hum par utar jaenge

    guftugu band na ho

    baat se baat chale

    subh tak sham-e-mulaqat chale

    hum pe hansti hui ye taron bhari raat chale

    Videos
    This video is playing from YouTube

    Videos
    This video is playing from YouTube

    Unknown

    Unknown

    RECITATIONS

    Nomaan Shauque

    Nomaan Shauque,

    Nomaan Shauque

    guftugu (Hind Pak dosti ke nam) Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now