aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jahan rehana rahti thi

Akhtar Shirani

jahan rehana rahti thi

Akhtar Shirani

MORE BYAkhtar Shirani

    yahī vaadī hai vo hamdam jahāñ 'rehāna' rahtī thī

    vo is vaadī shahzādī thī aur shāhāna rahtī thī

    kañval phuul thī sansār se begāna rahtī thī

    nazar se duur misl-e-nik.hat-e-mastāna rahtī thī

    yahī vaadī hai vo hamdam jahāñ rehāna rahtī thī

    inhī sahrāoñ meñ vo apne galle ko charātī thī

    inhīñ chashmoñ pe vo har roz muñh dhone ko aatī thī

    inhī Tīloñ ke dāman meñ vo āzādāna rahtī thī

    yahī vaadī hai vo hamdam jahāñ 'rehāna' rahtī thī

    khajūroñ ke tale vo jo khañDar se jhilmilāte haiñ

    ye sab 'rehāna' ke ma.asūm afsāne sunāte haiñ

    vo in khañDaroñ meñ ik din sūrat-e-afsāna rahtī thī

    yahī vaadī hai vo hamdam jahāñ 'rehāna' rahtī thī

    mire hamdam ye naḳhlistān ik din us maskan thā

    isī ke ḳharma.ī-e-āġhosh meñ us nasheman thā

    isī shādāb vaadī meñ vo be-bākāna rahtī thī

    yahī vaadī hai vo hamdam jahāñ 'rehāna' rahtī thī

    ye phūloñ hasīñ ābādiyāñ kāshāna thiiñ us

    vo ik but thī ye saarī vādiyāñ but-ḳhāna thiiñ us

    vo is firdaus-e-vajd-o-raqs meñ mastāna rahtī thī

    yahī vaadī hai vo hamdam jahāñ 'rehāna' rahtī thī

    tabāhī havā is ḳhāk-e-rañgīñ tak na aa.ī thī

    ye vo ḳhitta thā jis meñ nau-bahāroñ ḳhudā.ī thī

    vo is ḳhitte meñ misl-e-sabza-e-begāna rahtī thī

    yahī vaadī hai vo hamdam jahāñ 'rehāna' rahtī thī

    isī vīrāna meñ ik din bahishteñ lahlahātī thiiñ

    ghaTā.eñ ghir ke aatī thiiñ havā.eñ muskurātī thiiñ

    ki vo ban kar bahār-e-jannat-e-vīrāna rahtī thī

    yahī vaadī hai vo hamdam jahāñ 'rehāna' rahtī thī

    ye vīrāna guzar jis meñ nahīñ hai kārvānoñ

    jahāñ miltā nahīñ nām-o-nishāñ tak sārbānoñ

    isī vīrāne meñ ik din mirī 'rehāna' rahtī thī

    yahī vaadī hai vo hamdam jahāñ 'rehāna' rahtī thī

    yahīñ ābād thī ik din mire afkār malka

    mire jazbāt devī mire ash.ār malka

    vo malka jo ba-rañg-e-azmat-e-shāhāna rahtī thī

    yahī vaadī hai vo hamdam jahāñ rehāna rahtī thī

    sabā shāḳhoñ meñ naḳhlistāñ jis dam sarsarātī hai

    mujhe har lahr se 'rehāna' āvāz aatī hai

    yahīñ 'rehāna' rahtī hai yahīñ 'rehāna' rahtī thī

    yahī vaadī hai vo hamdam jahāñ 'rehāna' rahtī thī

    fazā.eñ gūñjtī haiñ ab bhī un vahshī tarānoñ se

    suno āvāz aatī hai un ḳhākī chaTānoñ se

    ki jin meñ vo ba-rañg-e-naġhma-e-begāna rahtī thī

    yahī vaadī hai vo hamdam jahāñ 'rehāna' rahtī thī

    mire hamdam junūn-e-shauq iz.hār karne de

    mujhe us dasht ik ik kalī se pyaar karne de

    jahāñ ik din vo misl-e-ġhuncha-e-mastāna rahtī thī

    yahī vaadī hai vo hamdam jahāñ 'rehāna' rahtī thī

    ba-rabb-e-kāba us yaad meñ umreñ gañvā dūñgā

    maiñ us vaadī ke zarre zarre par sajde bichhā dūñgā

    jahāñ vo jān-e-ka.aba azmat-e-but-ḳhāna rahtī thī

    yahī vaadī hai vo hamdam jahāñ 'rehāna' rahtī thī

    vo is Tiile par akasr āshiqāna giit gaatī thī

    purāne sūrmāoñ ke fasāne gungunātī thī

    yahīñ par muntazir merī vo betābāna rahtī thī

    yahī vaadī hai vo hamdam jahāñ 'rehāna' rahtī thī

    khajūroñ ke hasīñ saa.e zamīñ par lahlahāte the

    sitāre jagmagāte the shagūfe khilkhilāte the

    fazā.eñ muntashir ik nik.hat-e-mastāna rahtī thī

    yahī vaadī hai vo hamdam jahāñ 'rehāna' rahtī thī

    yahīñ bastī thī ai hamdam mire rūmān bastī

    mire afsānoñ duniyā mire vijdān bastī

    yahīñ 'rehāna' bastī thī yahīñ 'rehāna' bastī thī

    yahī vaadī hai vo hamdam jahāñ 'rehāna' rahtī thī

    shamīm-e-zulf se us mahak jaatī thī kul vaadī

    nigāh-e-mast se us bahak jaatī thī kul vaadī

    havā.eñ par-fishāñ rūh-e-mai-o-mai-ḳhāna rahtī thī

    yahī vaadī hai vo hamdam jahāñ 'rehāna' rahtī thī

    vo gesu-e-pareshāñ ghaTā.eñ raqs kartī thiiñ

    fazā.eñ vajd kartī thiiñ havā.eñ raqs kartī thiiñ

    vo is firdaus-e-vajd-o-raqs meñ mastāna rahtī thī

    yahī vaadī hai vo hamdam jahāñ 'rehāna' rahtī thī

    gudāz-e-ishq se labrez thā qalb-e-hazīñ us

    magar ā.īna-dār-e-sharm thā rū-e-hasīñ is

    ḳhamoshī meñ chhupā.e naġhma-e-mastāna rahtī thī

    yahī vaadī hai vo hamdam jahāñ 'rehāna' rahtī thī

    use phūloñ ne merī yaad meñ betāb dekhā hai

    sitāroñ nazar ne raat bhar be-ḳhvāb dekhā hai

    vo sham-e-husn thī par sūrat-e-parvāna rahtī thī

    yahī vaadī hai vo hamdam jahāñ 'rehāna' rahtī thī

    yahīñ ham-rañg-e-gul-hā-e-hasīñ rahtī thī 'rehāna'

    misāl-hūr-e-firdaus-e-barīñ rahtī thī 'rehāna'

    yahīñ 'rehāna' rahtī thī yahīñ 'rehāna' rahtī thī

    yahīñ vaadī hai vo hamdam jahāñ 'rehāna' rahtī thī

    payām dard-e-dil 'aḳhtar' diye jaatā huuñ vaadī ko

    salām-e-ruḳhsat-e-ġhamgīñ kiye jaatā huuñ vaadī ko

    salām ai vādi-e-vīrāñ jahāñ 'rehāna' rahtī thī

    yahi wadi hai wo hamdam jahan 'rehana' rahti thi

    wo is wadi ki shahzadi thi aur shahana rahti thi

    kanwal ka phul thi sansar se begana rahti thi

    nazar se dur misl-e-nikhat-e-mastana rahti thi

    yahi wadi hai wo hamdam jahan rehana rahti thi

    inhi sahraon mein wo apne galle ko charaati thi

    inhin chashmon pe wo har roz munh dhone ko aati thi

    inhi Tilon ke daman mein wo aazadana rahti thi

    yahi wadi hai wo hamdam jahan 'rehana' rahti thi

    khajuron ke tale wo jo khanDar se jhilmilate hain

    ye sab 'rehana' ke masum afsane sunate hain

    wo in khanDaron mein ek din surat-e-afsana rahti thi

    yahi wadi hai wo hamdam jahan 'rehana' rahti thi

    mere hamdam ye naKHlistan ek din us ka maskan tha

    isi ke KHarmai-e-aghosh mein us ka nasheman tha

    isi shadab wadi mein wo be-bakana rahti thi

    yahi wadi hai wo hamdam jahan 'rehana' rahti thi

    ye phulon ki hasin aabaadiyan kashana thin us ka

    wo ek but thi ye sari wadiyan but-KHana thin us ka

    wo is firdaus-e-wajd-o-raqs mein mastana rahti thi

    yahi wadi hai wo hamdam jahan 'rehana' rahti thi

    tabahi ki hawa is KHak-e-rangin tak na aai thi

    ye wo KHitta tha jis mein nau-bahaaron ki KHudai thi

    wo is KHitte mein misl-e-sabza-e-begana rahti thi

    yahi wadi hai wo hamdam jahan 'rehana' rahti thi

    isi virana mein ek din bahishten lahlahati thin

    ghaTaen ghir ke aati thin hawaen muskuraati thin

    ki wo ban kar bahaar-e-jannat-e-virana rahti thi

    yahi wadi hai wo hamdam jahan 'rehana' rahti thi

    ye virana guzar jis mein nahin hai karwanon ka

    jahan milta nahin nam-o-nishan tak sarbanon ka

    isi virane mein ek din meri 'rehana' rahti thi

    yahi wadi hai wo hamdam jahan 'rehana' rahti thi

    yahin aabaad thi ek din mere afkar ki malka

    mere jazbaat ki dewi mere ashaar ki malka

    wo malka jo ba-rang-e-azmat-e-shahana rahti thi

    yahi wadi hai wo hamdam jahan rehana rahti thi

    saba shaKHon mein naKHlistan ki jis dam sarsaraati hai

    mujhe har lahr se 'rehana' ki aawaz aati hai

    yahin 'rehana' rahti hai yahin 'rehana' rahti thi

    yahi wadi hai wo hamdam jahan 'rehana' rahti thi

    fazaen gunjti hain ab bhi un wahshi taranon se

    suno aawaz si aati hai un KHaki chaTanon se

    ki jin mein wo ba-rang-e-naghma-e-begana rahti thi

    yahi wadi hai wo hamdam jahan 'rehana' rahti thi

    mere hamdam junun-e-shauq ka izhaar karne de

    mujhe us dasht ki ek ek kali se pyar karne de

    jahan ek din wo misl-e-ghuncha-e-mastana rahti thi

    yahi wadi hai wo hamdam jahan 'rehana' rahti thi

    ba-rabb-e-kaba us ki yaad mein umren ganwa dunga

    main us wadi ke zarre zarre par sajde bichha dunga

    jahan wo jaan-e-kaba azmat-e-but-KHana rahti thi

    yahi wadi hai wo hamdam jahan 'rehana' rahti thi

    wo is Tile par akasr aashiqana git gati thi

    purane surmaon ke fasane gungunati thi

    yahin par muntazir meri wo betabana rahti thi

    yahi wadi hai wo hamdam jahan 'rehana' rahti thi

    khajuron ke hasin sae zamin par lahlahate the

    sitare jagmagate the shagufe khilkhilate the

    fazaen muntashir ek nikhat-e-mastana rahti thi

    yahi wadi hai wo hamdam jahan 'rehana' rahti thi

    yahin basti thi ai hamdam mere ruman ki basti

    mere afsanon ki duniya mere wijdan ki basti

    yahin 'rehana' basti thi yahin 'rehana' basti thi

    yahi wadi hai wo hamdam jahan 'rehana' rahti thi

    shamim-e-zulf se us ki mahak jati thi kul wadi

    nigah-e-mast se us ki bahak jati thi kul wadi

    hawaen par-fishan ruh-e-mai-o-mai-KHana rahti thi

    yahi wadi hai wo hamdam jahan 'rehana' rahti thi

    wo gesu-e-pareshan ya ghaTaen raqs karti thin

    fazaen wajd karti thin hawaen raqs karti thin

    wo is firdaus-e-wajd-o-raqs mein mastana rahti thi

    yahi wadi hai wo hamdam jahan 'rehana' rahti thi

    gudaz-e-ishq se labrez tha qalb-e-hazin us ka

    magar aaina-dar-e-sharm tha ru-e-hasin is ka

    KHamoshi mein chhupae naghma-e-mastana rahti thi

    yahi wadi hai wo hamdam jahan 'rehana' rahti thi

    use phulon ne meri yaad mein betab dekha hai

    sitaron ki nazar ne raat bhar be-KHwab dekha hai

    wo sham-e-husn thi par surat-e-parwana rahti thi

    yahi wadi hai wo hamdam jahan 'rehana' rahti thi

    yahin ham-rang-e-gul-ha-e-hasin rahti thi 'rehana'

    misal-hur-e-firdaus-e-barin rahti thi 'rehana'

    yahin 'rehana' rahti thi yahin 'rehana' rahti thi

    yahin wadi hai wo hamdam jahan 'rehana' rahti thi

    payam dard-e-dil 'aKHtar' diye jata hun wadi ko

    salam-e-ruKHsat-e-ghamgin kiye jata hun wadi ko

    salam ai wadi-e-viran jahan 'rehana' rahti thi

    Source:

    kulliyat-e-akhtar shirani (Pg. 148)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now