mirī vafā hai mire muñh pe haath rakkhe hue

tū sochtā hai ki kuchh bhī nahīñ samajhtā maiñ

meri wafa hai mere munh pe hath rakkhe hue

tu sochta hai ki kuchh bhi nahin samajhta main

chāhiye hai mujhe inkār-e-mohabbat mire dost

lekin is meñ tirā inkār nahīñ chāhiye hai

chahiye hai mujhe inkar-e-mohabbat mere dost

lekin is mein tera inkar nahin chahiye hai

chand peḌoñ ko hī majnūñ kī duā hotī hai

sab daraḳhtoñ pe to patthar nahīñ aayā kartā

chand peDon ko hi majnun ki dua hoti hai

sab daraKHton pe to patthar nahin aaya karta

raas aa.egī mohabbat us ko

jis se hote nahīñ va.ade puure

ras aaegi mohabbat us ko

jis se hote nahin wade pure

mujh pe tasvīr lagā dī ga.ī hai

kyā maiñ dīvār dikhā.ī diyā huuñ

mujh pe taswir laga di gai hai

kya main diwar dikhai diya hun