barā.e-nām sahī koī mehrbān to hai

hamāre sar pe bhī hone ko āsmān to hai

barae-nam sahi koi mehrban to hai

hamare sar pe bhi hone ko aasman to hai

zindagī mujh ko mirī nazroñ meñ sharminda na kar

mar chukā hai jo bahut pahle use zinda na kar

zindagi mujh ko meri nazron mein sharminda na kar

mar chuka hai jo bahut pahle use zinda na kar

zindagī jis ke tasavvur meñ basar kī ham ne

haa.e vo shaḳhs haqīqat meñ kahānī niklā

zindagi jis ke tasawwur mein basar ki hum ne

hae wo shaKHs haqiqat mein kahani nikla

gumān hī asāsa thā yaqīn kā

yaqīn hī gumān meñ nahīñ rahā

guman hi asasa tha yaqin ka

yaqin hi guman mein nahin raha

jo apne aap se baḌh kar hamārā apnā thā

use qarīb se dekhā to duur kā niklā

jo apne aap se baDh kar hamara apna tha

use qarib se dekha to dur ka nikla

ik kāñTe se dūsrā maiñ ne liyā nikāl

phūloñ kā is des meñ kaisā paḌā akaal

ek kanTe se dusra main ne liya nikal

phulon ka is des mein kaisa paDa akal

jaise shabd meñ arth hai jaise aañkh meñ niir

aise tujh meñ basā huā vo mahfil kā miir

jaise shabd mein arth hai jaise aankh mein nir

aise tujh mein basa hua wo mahfil ka mir

chādar mailī ho ga.ī ab kaise lauTā.ūñ

apne piyā ke sāmne jaate hue sharmā.ūñ

chadar maili ho gai ab kaise lauTaun

apne piya ke samne jate hue sharmaun