aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Farhat Ehsas's Photo'

Farhat Ehsas

1952 | Delhi, India

One of the most prominent faces of post-modern Urdu poetry

One of the most prominent faces of post-modern Urdu poetry

Sher of Farhat Ehsas

38.6K
Favorite

SORT BY

ik raat vo gayā thā jahāñ baat rok ke

ab tak rukā huā huuñ vahīñ raat rok ke

ek raat wo gaya tha jahan baat rok ke

ab tak ruka hua hun wahin raat rok ke

vo chāñd kah ke gayā thā ki aaj niklegā

to intizār meñ baiThā huā huuñ shaam se maiñ

wo chand kah ke gaya tha ki aaj niklega

to intizar mein baiTha hua hun sham se main

chāñd bhī hairān dariyā bhī pareshānī meñ hai

aks kis hai ki itnī raushnī paanī meñ hai

chand bhi hairan dariya bhi pareshani mein hai

aks kis ka hai ki itni raushni pani mein hai

ilaaj apnā karāte phir rahe ho jaane kis kis se

mohabbat kar ke dekho mohabbat kyuuñ nahīñ karte

ilaj apna karaate phir rahe ho jaane kis kis se

mohabbat kar ke dekho na mohabbat kyun nahin karte

kisī kalī kisī gul meñ kisī chaman meñ nahīñ

vo rañg hai nahīñ jo tire badan meñ nahīñ

kisi kali kisi gul mein kisi chaman mein nahin

wo rang hai hi nahin jo tere badan mein nahin

maiñ ronā chāhtā huuñ ḳhuub ronā chāhtā huuñ maiñ

phir us ke baad gahrī niind sonā chāhtā huuñ maiñ

main rona chahta hun KHub rona chahta hun main

phir us ke baad gahri nind sona chahta hun main

kisī hālat meñ bhī tanhā nahīñ hone detī

hai yahī ek ḳharābī mirī tanhā.ī

kisi haalat mein bhi tanha nahin hone deti

hai yahi ek KHarabi meri tanhai ki

ek bose ke bhī nasīb na hoñ

hoñTh itne bhī ab ġharīb na hoñ

ek bose ke bhi nasib na hon

honTh itne bhi ab gharib na hon

hamārā zinda rahnā aur marnā ek jaisā hai

ham apne yaum-e-paidā.ish ko bhī barsī samajhte haiñ

hamara zinda rahna aur marna ek jaisa hai

hum apne yaum-e-paidaish ko bhi barsi samajhte hain

har galī kūche meñ rone sadā merī hai

shahr meñ jo bhī huā hai vo ḳhatā merī hai

har gali kuche mein rone ki sada meri hai

shahr mein jo bhi hua hai wo KHata meri hai

vo aql-mand kabhī josh meñ nahīñ aatā

gale to lagtā hai āġhosh meñ nahīñ aatā

wo aql-mand kabhi josh mein nahin aata

gale to lagta hai aaghosh mein nahin aata

tamām paikar-e-badsūrtī hai mard zaat

mujhe yaqīñ hai ḳhudā mard ho nahīñ saktā

tamam paikar-e-badsurti hai mard ki zat

mujhe yaqin hai KHuda mard ho nahin sakta

andar ke hādsoñ pe kisī nazar nahīñ

ham mar chuke haiñ aur hameñ is ḳhabar nahīñ

andar ke hadson pe kisi ki nazar nahin

hum mar chuke hain aur hamein is ki KHabar nahin

aurteñ kaam pe niklī thiiñ badan ghar rakh kar

jism ḳhālī jo nazar aa.e to mard aa baiThe

aurten kaam pe nikli thin badan ghar rakh kar

jism KHali jo nazar aae to mard aa baiThe

sab ke jaisī na banā zulf ki ham sāda-nigāh

tere dhoke meñ kisī aur ke shāne lag jaa.eñ

sab ke jaisi na bana zulf ki hum sada-nigah

tere dhoke mein kisi aur ke shane lag jaen

shusta zabāñ shagufta bayāñ hoñTh gul-fishāñ

saarī haiñ tujh meñ ḳhūbiyāñ urdu zabān

shusta zaban shagufta bayan honTh gul-fishan

sari hain tujh mein KHubiyan urdu zaban ki

phir soch ke ye sabr kiyā ahl-e-havas ne

bas ek mahīna to ramzān rahegā

phir soch ke ye sabr kiya ahl-e-hawas ne

bas ek mahina hi to ramzan rahega

duniyā se kaho jo use karnā hai vo kar le

ab dil meñ mire vo alal-elān rahegā

duniya se kaho jo use karna hai wo kar le

ab dil mein mere wo alal-elan rahega

us jagah ke vo baiThā hai bharī mahfil meñ

ab jahāñ mere ishāre bhī nahīñ sakte

us jagah ja ke wo baiTha hai bhari mahfil mein

ab jahan mere ishaare bhi nahin ja sakte

baḌā vasī.a hai us ke jamāl manzar

vo ā.īne meñ to bas muḳhtasar rahtā hai

baDa wasia hai us ke jamal ka manzar

wo aaine mein to bas muKHtasar sa rahta hai

puurī tarah se ab ke tayyār ho ke nikle

ham chāragar se milne bīmār ho ke nikle

puri tarah se ab ke tayyar ho ke nikle

hum chaaragar se milne bimar ho ke nikle

hijr o visāl charāġh haiñ donoñ tanhā.ī ke tāqoñ meñ

akasr donoñ gul rahte haiñ aur jalā kartā huuñ maiñ

hijr o visal charagh hain donon tanhai ke taqon mein

akasr donon gul rahte hain aur jala karta hun main

tamām shahr āñkhoñ meñ reza reza huuñ

kisī bhī aañkh se uThtā nahīñ mukammal maiñ

tamam shahr ki aankhon mein reza reza hun

kisi bhi aankh se uThta nahin mukammal main

kyā badan hai ki Thahartā nahīñ āñkhoñ meñ

bas yahī dekhtā rahtā huuñ ki ab kyā hogā

kya badan hai ki Thaharta hi nahin aankhon mein

bas yahi dekhta rahta hun ki ab kya hoga

ishq aḳhbār kab band huā

dil mirā āḳhirī shumāra hai

ishq aKHbar kab ka band hua

dil mera aaKHiri shumara hai

ek baar us ne bulāyā thā to masrūf thā maiñ

jīte-jī phir kabhī baarī nahīñ aa.ī mirī

ek bar us ne bulaya tha to masruf tha main

jite-ji phir kabhi bari hi nahin aai meri

jañgaloñ ko kaaT kar kaisā ġhazab ham ne kiyā

shahr jaisā ek ādam-ḳhor paidā kar liyā

jangalon ko kaT kar kaisa ghazab hum ne kiya

shahr jaisa ek aadam-KHor paida kar liya

kis hai ye tasvīr jo bantī nahīñ mujh se

maiñ kis taqāzā huuñ ki puurā nahīñ hotā

kis ki hai ye taswir jo banti nahin mujh se

main kis ka taqaza hun ki pura nahin hota

us se milne ke liye jaa.e to kyā jaa.e koī

us ne darvāze pe ā.īna lagā rakkhā hai

us se milne ke liye jae to kya jae koi

us ne darwaze pe aaina laga rakkha hai

saḳht sardī meñ ThiThurtī hai bahut ruuh mirī

jism-e-yār aa ki bechārī ko sahārā mil jaa.e

saKHt sardi mein ThiThurti hai bahut ruh meri

jism-e-yar aa ki bechaari ko sahaara mil jae

use ḳhabar thī ki ham visāl aur hijr ik saath chāhte haiñ

to us ne aadhā ujaaḌ rakkhā hai aur aadhā banā diyā hai

use KHabar thi ki hum visal aur hijr ek sath chahte hain

to us ne aadha ujaD rakkha hai aur aadha bana diya hai

ye shahr vo hai ki koī ḳhushī to kyā detā

kisī ne dil bhī dukhāyā nahīñ bahut din se

ye shahr wo hai ki koi KHushi to kya deta

kisi ne dil bhi dukhaya nahin bahut din se

mire saare badan par dūriyoñ ḳhaak bikhrī hai

tumhāre saath mil kar ḳhud ko dhonā chāhtā huuñ maiñ

mere sare badan par duriyon ki KHak bikhri hai

tumhaare sath mil kar KHud ko dhona chahta hun main

saḳht taklīf uThā.ī hai tujhe jānñe meñ

is liye ab tujhe ārām se pahchānte haiñ

saKHt taklif uThai hai tujhe jaanne mein

is liye ab tujhe aaram se pahchante hain

ab dekhtā huuñ maiñ to vo asbāb nahīñ

lagtā hai rāste meñ kahīñ khul gayā badan

ab dekhta hun main to wo asbab hi nahin

lagta hai raste mein kahin khul gaya badan

hameñ jab apnā ta.āruf karānā paḌtā hai

na jaane kitne dukhoñ ko dabānā paḌtā hai

hamein jab apna taaruf karana paDta hai

na jaane kitne dukhon ko dabana paDta hai

ye dhaḌaktā huā dil us ke havāle kar duuñ

ek bhī shaḳhs agar shahar meñ zinda mil jaa.e

ye dhaDakta hua dil us ke hawale kar dun

ek bhi shaKHs agar shahar mein zinda mil jae

mohabbat phuul banñe par lagī thī

palaT kar phir kalī kar hai maiñ ne

mohabbat phul banne par lagi thi

palaT kar phir kali kar li hai main ne

farār ho ga.ī hotī kabhī ruuh mirī

bas ek jism ehsān rok letā hai

farar ho gai hoti kabhi ki ruh meri

bas ek jism ka ehsan rok leta hai

maiñ jab kabhī us se pūchhtā huuñ ki yaar marham kahāñ hai merā

to vaqt kahtā hai muskurā kar janāb tayyār ho rahā hai

main jab kabhi us se puchhta hun ki yar marham kahan hai mera

to waqt kahta hai muskura kar janab tayyar ho raha hai

qissa-e-ādam meñ ek aur vahdat paidā kar hai

maiñ ne apne andar apnī aurat paidā kar hai

qissa-e-adam mein ek aur hi wahdat paida kar li hai

main ne apne andar apni aurat paida kar li hai

ye terā merā jhagḌā hai duniyā ko biich meñ kyuuñ Dāleñ

ghar ke andar bātoñ par ġhairoñ ko gavāh nahīñ karte

ye tera mera jhagDa hai duniya ko bich mein kyun Dalen

ghar ke andar ki baaton par ghairon ko gawah nahin karte

ise bachchoñ ke hāthoñ se uThāo

ye duniyā is qadar bhārī nahīñ hai

ise bachchon ke hathon se uThao

ye duniya is qadar bhaari nahin hai

jo ishq chāhtā hai vo honā nahīñ hai aaj

ḳhud ko bahāl karnā hai khonā nahīñ hai aaj

jo ishq chahta hai wo hona nahin hai aaj

KHud ko bahaal karna hai khona nahin hai aaj

jise bhī pyaas bujhānī ho mere paas rahe

kabhī bhī apne laboñ se chhalakne lagtā huuñ

jise bhi pyas bujhani ho mere pas rahe

kabhi bhi apne labon se chhalakne lagta hun

zindagī diyā huā chehrā ishq-dariyā meñ dho ke aa.e haiñ

'farhatūllāh'-ḳhāñ ga.e the vahāñ farhat-ehsās ho ke aa.e haiñ

zindagi ka diya hua chehra ishq-dariya mein dho ke aae hain

'farhatullah'-KHan gae the wahan farhat-ehsas ho ke aae hain

do alag lafz nahīñ hijr o visāl

ek meñ ek goyā.ī hai

do alag lafz nahin hijr o visal

ek mein ek ki goyai hai

ishq meñ piine paanī bas aañkh paanī

khāne meñ bas patthar khaa.e sakte the

ishq mein pine ka pani bas aankh ka pani

khane mein bas patthar khae ja sakte the

ai ḳhudā merī ragoñ meñ dauḌ

shāḳh-e-dil par ik harī pattī nikāl

ai KHuda meri ragon mein dauD ja

shaKH-e-dil par ek hari patti nikal

mirī mohabbat meñ saarī duniyā ko ik khilaunā banā diyā hai

ye zindagī ban ga.ī hai maañ aur mujh ko bachcha banā diyā hai

meri mohabbat mein sari duniya ko ek khilauna bana diya hai

ye zindagi ban gai hai man aur mujh ko bachcha bana diya hai

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now