tum se Takrā.e to huā mā'lūm

hādse ḳhushnumā bhī hote haiñ

tum se Takrae to hua ma'lum

hadse KHushnuma bhi hote hain

shukr kiije ki maut hai varna

zindagī se hameñ bachātā kaun

shukr kije ki maut hai warna

zindagi se hamein bachata kaun

ho bhaTakne kā jise shauq mire saath chale

jo ho manzil kā talabgār palaT jaa.e abhī

ho bhaTakne ka jise shauq mere sath chale

jo ho manzil ka talabgar palaT jae abhi

hamāre ghar meñ ye tahzīb ab bhī zinda hai

buzurg boleñ to bachche ḳhamosh rahte haiñ

hamare ghar mein ye tahzib ab bhi zinda hai

buzurg bolen to bachche KHamosh rahte hain

siyāh āñkhoñ kī rangat kī ik jhalak ke liye

tirī talāsh meñ surma-farosh rahte haiñ

siyah aankhon ki rangat ki ek jhalak ke liye

teri talash mein surma-farosh rahte hain