noImage

Waliullah Muhib

- 1792 | Lucknow, India

hai mire pahlū meñ aur mujh ko nazar aatā nahīñ

us parī sehr yaaro kuchh kahā jaatā nahīñ

hai mere pahlu mein aur mujh ko nazar aata nahin

us pari ka sehr yaro kuchh kaha jata nahin

dair meñ ka.abe meñ maiḳhāne meñ aur masjid meñ

jalva-gar sab meñ mirā yaar hai allāh allāh

dair mein kabe mein maiKHane mein aur masjid mein

jalwa-gar sab mein mera yar hai allah allah

saaqī hameñ qasam hai tirī chashm-e-mast

tujh bin jo ḳhvāb meñ bhī piyeñ mai harām ho

saqi hamein qasam hai teri chashm-e-mast ki

tujh bin jo KHwab mein bhi piyen mai haram ho

na kiije vo ki miyāñ jis se dil koī ho malūl

sivā.e is ke jo chāhe so kiyā kiije

na kije wo ki miyan jis se dil koi ho malul

siwae is ke jo ji chahe so kiya kije

donoñ terī justujū meñ phirte haiñ dar dar tabāh

dair hindū chhoḌ kar ka.aba musalmāñ chhoḌ kar

donon teri justuju mein phirte hain dar dar tabah

dair hindu chhoD kar kaba musalman chhoD kar

ka.abe meñ vahī ḳhud hai vahī dair meñ hai aap

hindū kaho us ko musalmān vahī hai

kabe mein wahi KHud hai wahi dair mein hai aap

hindu kaho ya us ko musalman wahi hai

dostī chhūTe chhuḌā.e se kisū ke kis tarah

band hotā nahīñ rasta diloñ raah

dosti chhuTe chhuDae se kisu ke kis tarah

band hota hi nahin rasta dilon ki rah ka

in do ke sivā koī falak se na huā paar

tiir mirī aah us nazar

in do ke siwa koi falak se na hua par

ya tir meri aah ka ya us ki nazar ka

shaiḳh kahte haiñ mujhe dair na ka.aba chal

barhaman kahte haiñ kyuuñ yaañ bhī ḳhudā hai ki nahīñ

shaiKH kahte hain mujhe dair na ja kaba chal

barhaman kahte hain kyun yan bhi KHuda hai ki nahin

ba-tasḳhīr-e-butāñ tasbīh kyuuñ zāhid phirāte haiñ

ye lohe ke chane vallāh āshiq chabāte haiñ

ba-tasKHir-e-butan tasbih kyun zahid phiraate hain

ye lohe ke chane wallah aashiq hi chabaate hain

jo apne jīte-jī ko kuñ.eñ meñ Duboiye

to chaah meñ kisī giraftār hoiye

jo apne jite-ji ko kunen mein Duboiye

to chah mein kisi ki giraftar hoiye

rahīm o raam sumran hai shaiḳh o hindū ko

dil us ke naam raTnā raTe hai kyā kiije

rahim o ram ki sumran hai shaiKH o hindu ko

dil us ke nam ki raTna raTe hai kya kije

barahman dair ko raahī huā aur shaiḳh ka.abe ko

nikal kar us dorāhe se maiñ kū-e-yār meñ aayā

barahman dair ko rahi hua aur shaiKH kabe ko

nikal kar us dorahe se main ku-e-yar mein aaya

kāfir huuñ gar maiñ naam bhī ka.abe luuñ kabhī

vo sañg-dil sanam jo kabhū mujh se raam ho

kafir hun gar main nam bhi kabe ka lun kabhi

wo sang-dil sanam jo kabhu mujh se ram ho

tamām ḳhalq-e-ḳhudā zer-e-āsmāñ sameT

zamīñ ne khaa.ī va-lekin bharā na us peT

tamam KHalq-e-KHuda zer-e-asman ki sameT

zamin ne khai wa-lekin bhara na us ka peT

jab nashe meñ ham ne kuchh mīThe ḳhvāhish us se

tursh ho bolā ki kyuuñ be bhī is laa.eq huā

jab nashe mein hum ne kuchh miThe ki KHwahish us se ki

tursh ho bola ki kyun be tu bhi is laeq hua

raqīb jam ke ye baiThā ki ham uThe nā-chār

ye patthar ab na haTā.e haTe hai kyā kiije

raqib jam ke ye baiTha ki hum uThe na-chaar

ye patthar ab na haTae haTe hai kya kije

jo az-ḳhud-rafta hai gumrāh hai vo rahnumā merā

jo ik aalam se hai begāna hai vo āshnā merā

jo az-KHud-rafta hai gumrah hai wo rahnuma mera

jo ek aalam se hai begana hai wo aashna mera

ba-ma.anī kufr se islām kab ḳhālī hai ai zāhid

nikal sub.he se rishta sūrat-e-zunnār ho paidā

ba-mani kufr se islam kab KHali hai ai zahid

nikal subhe se rishta surat-e-zunnar ho paida

are o ḳhāna-ābād itnī ḳhūñ-rezī ye qattālī

ki ik āshiq nahīñ kūcha tirā vīrān suunā hai

are o KHana-abaad itni KHun-rezi ye qattali

ki ek aashiq nahin kucha tera viran suna hai