aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

agle panch dinon tak jina chahta hun

Imran Rahib

agle panch dinon tak jina chahta hun

Imran Rahib

MORE BYImran Rahib

    agle pāñch dinoñ tak jiinā chāhtā huuñ

    ro lūñgā par pahle hañsnā chāhtā huuñ

    merī āñkhoñ ke ab paañv kāñpte haiñ

    us ko maiñ bhar ke taknā chāhtā huuñ

    maiñ sahrā huuñ kuchh badlāo lāzmī hai

    ab maiñ dariyā ban kar bahnā chāhtā huuñ

    duniyā vaalo āḳhir-kār turābī huuñ

    maiñ hāthoñ par sūraj dharnā chāhtā huuñ

    us ke har andāz ko sāñseñ de kar maiñ

    us ke har andāz pe marnā chāhtā huuñ

    bahrī nahīñ hai nok sināñ sun legī

    sar huuñ aur tilāvat karnā chāhtā huuñ

    jo tere pahlū par hai us gāgar se

    izn mile to paanī piinā chāhtā huuñ

    terā lams bhī dūsrā naam hai agnī

    chhū le mujh ko ab maiñ jalnā chāhtā huuñ

    agle panch dinon tak jina chahta hun

    ro lunga par pahle hansna chahta hun

    meri aankhon ke ab panw kanpte hain

    us ko main ji bhar ke takna chahta hun

    main sahra hun kuchh badlao lazmi hai

    ab main dariya ban kar bahna chahta hun

    duniya walo aaKHir-kar turabi hun

    main hathon par suraj dharna chahta hun

    us ke har andaz ko sansen de kar main

    us ke har andaz pe marna chahta hun

    bahri nahin hai nok sinan ki sun legi

    sar hun aur tilawat karna chahta hun

    jo tere pahlu par hai us gagar se

    izn mile to pani pina chahta hun

    tera lams bhi dusra nam hai agni ka

    chhu le mujh ko ab main jalna chahta hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now