aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

apni man ki duaen pata hun

Sardar Panchhi

apni man ki duaen pata hun

Sardar Panchhi

MORE BYSardar Panchhi

    apnī maañ duā.eñ paatā huuñ

    is liye to muskurātā huuñ

    pyaar bhuuk jab satātī hai

    dostoñ se fareb khātā huuñ

    ye bhī mere liye ibādat hai

    rāstoñ meñ diye jalātā huuñ

    log farhād mujh ko kahte haiñ

    ghar meñ jab jū-e-shīr laatā huuñ

    mujh ko patthar habīb lagtā hai

    jab use hāl-e-dil sunātā huuñ

    us se maiñ kuchh bhī le nahīñ saktā

    jab vo kahtā hai le maiñ daatā huuñ

    mere ġham mere bachchoñ jaise haiñ

    maiñ jinheñ god meñ khilātā huuñ

    vo jaḌvātā hai añgūThī meñ

    jis kisī ko maiñ raas aatā huuñ

    log samjhe ki ashk bahte haiñ

    maiñ to āñkhoñ se giit gaatā huuñ

    dūsre se nahīñ ġharaz mujh ko

    maiñ to bas apne man ko bhātā huuñ

    merī āñkheñ haiñ merī shāgirda

    sharm karnā jinheñ sikhātā huuñ

    lutf-e-parvāz lene ḳhātir

    man ke 'panchhī' ko ḳhud uḌātā huuñ

    apni man ki duaen pata hun

    is liye hi to muskuraata hun

    pyar ki bhuk jab satati hai

    doston se fareb khata hun

    ye bhi mere liye ibaadat hai

    raston mein diye jalata hun

    log farhad mujh ko kahte hain

    ghar mein jab ju-e-shir lata hun

    mujh ko patthar habib lagta hai

    jab use haal-e-dil sunata hun

    us se main kuchh bhi le nahin sakta

    jab wo kahta hai le main data hun

    mere gham mere bachchon jaise hain

    main jinhen god mein khilata hun

    wo hi jaDwata hai anguThi mein

    jis kisi ko main ras aata hun

    log samjhe ki ashk bahte hain

    main to aankhon se git gata hun

    dusre se nahin gharaz mujh ko

    main to bas apne man ko bhata hun

    meri aankhen hain meri shagirda

    sharm karna jinhen sikhata hun

    lutf-e-parwaz lene ki KHatir

    man ke 'panchhi' ko KHud uData hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now