aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

آزادی کا گیت

محمد شفیع الدین نیر

آزادی کا گیت

محمد شفیع الدین نیر

MORE BYمحمد شفیع الدین نیر

    آج ہم سب شاد ہیں اپنا وطن آزاد ہے

    ہم ہیں بلبل جس چمن کے وہ چمن آزاد ہے

    آج آزادی کا دن ہے آؤ ہم خوشیاں منائیں

    ناچ آزادی کا ناچیں گیت آزادی کے گائیں

    تھی گھٹا چھائی ہوئی اندھیر کی وہ چھٹ گئی

    تیغ آزادی سے زنجیر غلامی کٹ گئی

    آج وہ دن ہے ہوئی تھی دیش کی جنتا کی جیت

    آج ہی کے دن چلی تھی اس میں آزادی کی ریت

    آج وہ دن ہے ترانے عیش کے عشرت کے گائیں

    آج وہ دن ہے کہ تانیں مل کے خوشیوں کی اڑائیں

    قوم جو آزاد ہے دنیا میں عزت اس کی ہے

    آن اس کی شان اس کی اور عظمت اس کی ہے

    دیش کے بچے بھی خوش ہیں کیوں نہ ہو ان کی خوشی

    کھل گئی ہے پھول بن کر آج ہر دل کی کلی

    دل لگی ہے چہل ہے اور ہر طرف ہیں قہقہے

    ہیں یہ بلبل اس چمن کے کر رہے ہیں چہچہے

    دل میں جذبہ ہے جواں ہو کر سبھی آگے بڑھیں

    عزم ہے یہ جان و دل سے دیس کی خدمت کریں

    امن و آزادی کا ہم پیغام دنیا کو سنائیں

    دیس کی اپنے بڑائی اپنے کاموں سے دکھائیں

    فرض اپنا ہم کریں دل سے ادا اور جان سے

    ہو وفاداری ہماری اپنے ہندوستان سے

    ایک اک بچہ گئی ہو علم کا چرچا بڑھے

    ایک اک بچہ دھنی ہو دیس کی سیوا کرے

    ایک اک بچہ رہے بڑھ چڑھ کے گن اور گیان میں

    اک سے اک بڑھ کر دکھائے آپ کو وگیان میں

    آؤ نیرؔ دیس کے بچوں کی جھرمٹ میں تم آؤ

    آؤ آؤ نظم آزادی کی بچوں کو سناؤ

    آؤ سب نعرہ لگائیں زندہ باد ہندوستان

    آؤ ہم سب مل کے گائیں زندہ باد ہندوستان

    زندہ باد ہندوستان

    زندہ باد

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے