aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

arz-e-watan

Arsh Malsiyani

arz-e-watan

Arsh Malsiyani

MORE BYArsh Malsiyani

    ḳhayālāt meñ saḳht hai intishār

    taḳhayyul pareshāñ qalam be-qarār

    jahāñ ḳhūn-ālūda-o-ḳhūñ-rañg hai

    vatan par paḌā sāya-e-rañg hai

    gul-o-lāla haiñ musta.id be-takāñ

    rafīqoñ ne rakkhī hathelī pe jaañ

    har ik lab pe hai bas yahī ik suḳhan

    hasīn aur dilkash hai arz-e-vatan

    ḳhulūs aaj pāmāl hai aur tabāh

    usuul aaj daryūza-ḳhvāh-e-panāh

    giraftār-e-āzār duniyā hai aaj

    mohabbat parīshān-o-rusvā hai aaj

    usūl-e-mohabbat ke ham tarjumāñ

    ḳhulūs-o-mohabbat ke ham pāsbāñ

    divānoñ ko mutlaq nahīñ hai qarār

    sadāqat se betāb dil pā.edār

    har ik lab pe hai bas yahī ik suḳhan

    hasīn aur dilkash hai arz-e-vatan

    vatan hai ye nānak farmāñ-pazīr

    thā gautam isī kārvāñ amiir

    mohabbat ne rutba diyā hai buland

    mohabbat ne sab ko kiyā arjumand

    hai ġhairat tūfān chhāyā huā

    hai bachchoñ meñ bhī josh aayā huā

    irāde haiñ sab ke bahut ustuvār

    ġhayūr aur bedār haiñ jāñ-nisār

    har ik lab pe hai bas yahī ik suḳhan

    hasīn aur dilkash hai arz-e-vatan

    na dushmanoñ ko kabhī is ne raah

    himāla hai rif.at se ālam-panāh

    himāla dilchasp hai dāstāñ

    ye azmat nishāñ sab hai pāsbāñ

    zamāne pe ye baat hai āshkār

    amā us hai duḳhtar-e-nām-dār

    himāla azmat ham ko qasam

    himāla rif.at ham ko qasam

    hifāzat himāla ab farz hai

    himāla ham par baḌā qarz hai

    ye kahte haiñ sab mil ke ḳhurd-o-kalāñ

    ki ġhairat is vaqt hai imtihāñ

    huā rū-e-shañkar hai ġhusse se laal

    dikhā.egā ab raqs tānDau jalāl

    irāde haiñ sab ke bahut ustuvār

    ġhayūr aur bedār sab jāñ-nisār

    har ik lab pe hai bas yahī ik suḳhan

    hasīn aur dilkash hai arz-e-vatan

    muhāfiz haiñ ham amn ke lā-kalām

    zamāne ko dete haiñ budh payām

    sabā apne gulshan se jaatī hai jab

    miTātī hai duniyā ke rañj-o-ta.ab

    rasīlī hai sub.h aur rasīlī hai shaam

    nihāñ in meñ hai zindagī payām

    rivāyat mahfūz kar ke vaqār

    hameñ lūTnā hai ḳhushī bahār

    zarā dekhiyegā rafīqoñ aan

    hai rakkhī jinhoñ ne hathelī pe jaan

    har ik lab pe hai bas yahī ik suḳhan

    hasīn aur dilkash hai arz-e-vatan

    hai izzat jur.at ab imtihāñ

    kahīñ jhuk na jaa.e vatan nishāñ

    fareboñ se koī panaptā nahīñ

    kabhī jhuuT meva paktā nahīñ

    sadāqat hai bol-bālā sadā

    nahīñ kaam aate daroġh iftirā

    fazā hai chaman hameñ sāzgār

    hai pābanda-tar is zamīñ bahār

    har ik lab pe hai bas yahīñ ik suḳhan

    hasīn aur dilkash hai arz-e-vatan

    hayā aur muravvat hai jo pur raheñ

    huī haiñ vo āñkheñ bahut ḳhashmagīñ

    baḌhe haiñ vatan taraf bad-qimāsh

    kaleja zamīñ huā paash paash

    pahāḌoñ pe hai barf ġhusse se laal

    fazā.eñ huiiñ garm ātish misāl

    haiñ jehlam meñ aane ko tuġhyāniyāñ

    har ik mauj par hai ġhazab samāñ

    mohabbat duniyā ko dil meñ liye

    bahār-e-javānī se paimāñ kiye

    vatan hifāzat ko tayyār haiñ

    mohabbat ke baada se sarshār haiñ

    hifāzat hai farz apne armān

    hameñ aaj parvā nahīñ jaan

    har ik lab pe hai bas yahī ik suḳhan

    hasīn aur dilkash hai arz-e-vatan

    2

    aao baḌho maidān meñ sheroñ dushman par yalġhār kareñ

    qabr bane maidān meñ us aisā us par vaar kareñ

    zañg na lagne paa.e apne bhārat āzādī ko

    aao zer-e-dām kareñ sayyādoñ sayyādī ko

    lauh-e-dil par naqsh karo har haal meñ zinda rahnā hai

    mulk ḳhidmat ke raste meñ jo dukh aa.e sahnā hai

    ye sailāb-e-surḳh nahīñ hai zulm-o-sitam āñdhī hai

    is sailāb ko rokeñge ham himmat ham ne bāñdhī hai

    sheroñ aulād ho tum in vīroñ santān ho tum

    mard-e-mujāhid mard-e-jarī ho yodhdhā ho balvān ho tum

    sāñchī madurā amaritsar ajmer azmat tum se hai

    sub.h-e-banaras shām-e-avadh asl-o-haqīqat tum se hai

    taaj ajantā aur elora ke vāhid fankār ho tum

    ḳhush-sīrat ḳhush-sūrāt ḳhush-mūrat ḳhush-kirdār ho tum

    bhīlā.ī chitranjan tum se bhākaḌ anañgal tum se hai

    dāmodar shaan hai tum se azmat-e-chanbal tum se hai

    tum ne basā.e shahr nirāle jañgal tum se mañgal haiñ

    tum ne nikālī nahreñ itnī sahrā tum se jal-thal haiñ

    tum ne itnī himmat se dariyāoñ ke ruḳh moḌ diye

    tum ne khodīñ surañgeñ itnī duur ke rishte joḌ diye

    tum kashmīr arz-e-hasīñ ke nazzāroñ meñ palte ho

    kohsāroñ ko phāñdte ho tum dariyāoñ pe chalte ho

    tum mysore meñ virindā-ban ke baaġh sajāne vaale ho

    uuTī shimla dārjiling se shahr basāne vaale ho

    tātya-Tope laxmī-bā.ī Tiipū aulād ho tum

    jañg ke fan meñ qābil ho tum māhir ho ustād ho tum

    hindū muslim sikh īsā.ī jainī bodh aur pārsī

    dahqāñ tājir aur mulāzim sādhū-sant aur siyāsī

    le ke vatan jhanDā aao dushman par yalġhār kareñ

    qabr bane ran-bhūm meñ us aisā us par vaar kareñ

    KHayalat mein saKHt hai intishaar

    taKHayyul pareshan qalam be-qarar

    jahan KHun-aluda-o-KHun-rang hai

    watan par paDa saya-e-rang hai

    gul-o-lala hain mustaid be-takan

    rafiqon ne rakkhi hatheli pe jaan

    har ek lab pe hai bas yahi ek suKHan

    hasin aur dilkash hai arz-e-watan

    KHulus aaj pamal hai aur tabah

    usul aaj daryuza-KHwah-e-panah

    giraftar-e-azar duniya hai aaj

    mohabbat parishan-o-ruswa hai aaj

    usul-e-mohabbat ke hum tarjuman

    KHulus-o-mohabbat ke hum pasban

    diwanon ko mutlaq nahin hai qarar

    sadaqat se betab dil paedar

    har ek lab pe hai bas yahi ek suKHan

    hasin aur dilkash hai arz-e-watan

    watan hai ye nanak ka farman-pazir

    tha gautam isi karwan ka amir

    mohabbat ne rutba diya hai buland

    mohabbat ne sab ko kiya arjumand

    hai ghairat ka tufan chhaya hua

    hai bachchon mein bhi josh aaya hua

    irade hain sab ke bahut ustuwar

    ghayur aur bedar hain jaan-nisar

    har ek lab pe hai bas yahi ek suKHan

    hasin aur dilkash hai arz-e-watan

    na di dushmanon ko kabhi is ne rah

    himala hai rifat se aalam-panah

    himala ki dilchasp hai dastan

    ye azmat nishan sab ka hai pasban

    zamane pe ye baat hai aashkar

    ama us ki hai duKHtar-e-nam-dar

    himala ki azmat ki hum ko qasam

    himala ki rifat ki hum ko qasam

    hifazat himala ki ab farz hai

    himala ka hum par baDa qarz hai

    ye kahte hain sab mil ke KHurd-o-kalan

    ki ghairat ka is waqt hai imtihan

    hua ru-e-shankar hai ghusse se lal

    dikhaega ab raqs tanDau jalal

    irade hain sab ke bahut ustuwar

    ghayur aur bedar sab jaan-nisar

    har ek lab pe hai bas yahi ek suKHan

    hasin aur dilkash hai arz-e-watan

    muhafiz hain hum amn ke la-kalam

    zamane ko dete hain budh ka payam

    saba apne gulshan se jati hai jab

    miTati hai duniya ke ranj-o-tab

    rasili hai subh aur rasili hai sham

    nihan in mein hai zindagi ka payam

    riwayat ka mahfuz kar ke waqar

    hamein luTna hai KHushi ki bahaar

    zara dekhiyega rafiqon ki aan

    hai rakkhi jinhon ne hatheli pe jaan

    har ek lab pe hai bas yahi ek suKHan

    hasin aur dilkash hai arz-e-watan

    hai izzat ka jurat ka ab imtihan

    kahin jhuk na jae watan ka nishan

    farebon se koi panapta nahin

    kabhi jhuT ka mewa pakta nahin

    sadaqat ka hai bol-baala sada

    nahin kaam aate darogh iftira

    faza hai chaman ki hamein sazgar

    hai pabanda-tar is zamin ki bahaar

    har ek lab pe hai bas yahin ek suKHan

    hasin aur dilkash hai arz-e-watan

    haya aur murawwat hai jo pur rahen

    hui hain wo aankhen bahut KHashmagin

    baDhe hain watan ki taraf bad-qimash

    kaleja zamin ka hua pash pash

    pahaDon pe hai barf ghusse se lal

    fazaen huin garm aatish misal

    hain jehlam mein aane ko tughyaniyan

    har ek mauj par hai ghazab ka saman

    mohabbat ki duniya ko dil mein liye

    bahaar-e-jawani se paiman kiye

    watan ki hifazat ko tayyar hain

    mohabbat ke baada se sarshaar hain

    hifazat hai farz apne arman ki

    hamein aaj parwa nahin jaan ki

    har ek lab pe hai bas yahi ek suKHan

    hasin aur dilkash hai arz-e-watan

    2

    aao baDho maidan mein sheron dushman par yalghaar karen

    qabr bane maidan mein us ki aisa us par war karen

    zang na lagne pae apne bhaarat ki aazadi ko

    aao zer-e-dam karen sayyaadon ki sayyaadi ko

    lauh-e-dil par naqsh karo har haal mein zinda rahna hai

    mulk ki KHidmat ke raste mein jo dukh aae sahna hai

    ye sailab-e-surKH nahin hai zulm-o-sitam ki aandhi hai

    is sailab ko rokenge hum himmat hum ne bandhi hai

    sheron ki aulad ho tum in wiron ki santan ho tum

    mard-e-mujahid mard-e-jari ho yodhdha ho balwan ho tum

    sanchi madura amaritsar ajmer ki azmat tum se hai

    subh-e-banaras sham-e-awadh ki asl-o-haqiqat tum se hai

    taj ajanta aur elora ke wahid fankar ho tum

    KHush-sirat KHush-suraat KHush-murat KHush-kirdar ho tum

    bhilai chitranjan tum se bhakaD anangal tum se hai

    damodar ki shan hai tum se azmat-e-chanbal tum se hai

    tum ne basae shahr nirale jangal tum se mangal hain

    tum ne nikali nahren itni sahra tum se jal-thal hain

    tum ne itni himmat se dariyaon ke ruKH moD diye

    tum ne khodin surangen itni dur ke rishte joD diye

    tum kashmir ki arz-e-hasin ke nazzaron mein palte ho

    kohsaron ko phandte ho tum dariyaon pe chalte ho

    tum mysore mein wirinda-ban ke bagh sajaane wale ho

    uTi shimla darjiling se shahr basane wale ho

    tatya-Tope laxmi-bai Tipu ki aulad ho tum

    jang ke fan mein qabil ho tum mahir ho ustad ho tum

    hindu muslim sikh isai jaini bodh aur parsi

    dahqan tajir aur mulazim sadhu-sant aur siyasi

    le ke watan ka jhanDa aao dushman par yalghaar karen

    qabr bane ran-bhum mein us ki aisa us par war karen

    Source:

    Kulliyat-e-Arsh (Pg. 399)

    • Author: Arsh Malsiyani
      • Publisher: Ali Hujwiri Publisher H. 811, A Androon, Akbari Gate, Lahore
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now