کی تلاش کا نتیجه | موضو - تمام, صفحہ sannaa.ii

تلاش کے نتائج

تلاش کا نتیجہ "sannaa.ii"

تمام

شاعر/مصنف/ فن کار

1912 - 1949

1728 - 1806

born.1984

1873 - 1910

born.1963

born.1979

born.1942

1564 - 1624

1936 - 1982

born.1979

مطبوعہ ثنائی برقی پریس، امرتسر

1922 - 2005

born.1997

انتہائی متعلقہ نتائج "sannaa.ii"

نظم

تاج محل

میری محبوب انہیں بھی تو محبت ہوگی
جن کی صناعی نے بخشی ہے اسے شکل جمیل

ساحر لدھیانوی

نظم

طلوع اسلام

دلیل صبح روشن ہے ستاروں کی تنک تابی
افق سے آفتاب ابھرا گیا دور گراں خوابی
عروق مردۂ مشرق میں خون زندگی دوڑا
سمجھ سکتے نہیں اس راز کو سینا و فارابی
مسلماں کو مسلماں کر دیا طوفان مغرب نے
تلاطم ہائے دریا ہی سے ہے گوہر کی سیرابی
عطا مومن کو پھر درگاہ حق سے ہونے والا ہے
شکوہ ترکمانی ذہن ہندی نطق اعرابی
اثر کچھ خواب کا غنچوں میں باقی ہے تو اے بلبل
نوا را تلخ ترمی زن چو ذوق نغمہ کم یابی
تڑپ صحن چمن میں آشیاں میں شاخساروں میں
جدا پارے سے ہو سکتی نہیں تقدیر سیمابی
وہ چشم پاک ہیں کیوں زینت بر گستواں دیکھے
نظر آتی ہے جس کو مرد غازی کی جگر تابی
ضمیر لالہ میں روشن چراغ آرزو کر دے
چمن کے ذرے ذرے کو شہید جستجو کر دے
سرشک چشم مسلم میں ہے نیساں کا اثر پیدا
خلیل اللہ کے دریا میں ہوں گے پھر گہر پیدا
کتاب ملت بیضا کی پھر شیرازہ بندی ہے
یہ شاخ ہاشمی کرنے کو ہے پھر برگ و بر پیدا
ربود آں ترک شیرازی دل تبریز و کابل را
صبا کرتی ہے بوئے گل سے اپنا ہم سفر پیدا
اگر عثمانیوں پر کوہ غم ٹوٹا تو کیا غم ہے
کہ خون صد ہزار انجم سے ہوتی ہے سحر پیدا
جہاں بانی سے ہے دشوار تر کار جہاں بینی
جگر خوں ہو تو چشم دل میں ہوتی ہے نظر پیدا
ہزاروں سال نرگس اپنی بے نوری پہ روتی ہے
بڑی مشکل سے ہوتا ہے چمن میں دیدہ ور پیدا
نوا پیرا ہو اے بلبل کہ ہو تیرے ترنم سے
کبوتر کے تن نازک میں شاہیں کا جگر پیدا
ترے سینے میں ہے پوشیدہ راز زندگی کہہ دے
مسلماں سے حدیث سوز و ساز زندگی کہہ دے
خدائے لم یزل کا دست قدرت تو زباں تو ہے
یقیں پیدا کر اے غافل کہ مغلوب گماں تو ہے
پرے ہے چرخ نیلی فام سے منزل مسلماں کی
ستارے جس کی گرد راہ ہوں وہ کارواں تو ہے
مکاں فانی مکیں فانی ازل تیرا ابد تیرا
خدا کا آخری پیغام ہے تو جاوداں تو ہے
حنا بند عروس لالہ ہے خون جگر تیرا
تری نسبت براہیمی ہے معمار جہاں تو ہے
تری فطرت امیں ہے ممکنات زندگانی کی
جہاں کے جوہر مضمر کا گویا امتحاں تو ہے
جہان آب و گل سے عالم جاوید کی خاطر
نبوت ساتھ جس کو لے گئی وہ ارمغاں تو ہے
یہ نکتہ سر گزشت ملت بیضا سے ہے پیدا
کہ اقوام زمین ایشیا کا پاسباں تو ہے
سبق پھر پڑھ صداقت کا عدالت کا شجاعت کا
لیا جائے گا تجھ سے کام دنیا کی امامت کا
یہی مقصود فطرت ہے یہی رمز مسلمانی
اخوت کی جہانگیری محبت کی فراوانی
بتان رنگ و خوں کو توڑ کر ملت میں گم ہو جا
نہ تورانی رہے باقی نہ ایرانی نہ افغانی
میان شاخساراں صحبت مرغ چمن کب تک
ترے بازو میں ہے پرواز شاہین قہستانی
گماں آباد ہستی میں یقیں مرد مسلماں کا
بیاباں کی شب تاریک میں قندیل رہبانی
مٹایا قیصر و کسریٰ کے استبداد کو جس نے
وہ کیا تھا زور حیدر فقر بوذر صدق سلمانی
ہوئے احرار ملت جادہ پیما کس تجمل سے
تماشائی شگاف در سے ہیں صدیوں کے زندانی
ثبات زندگی ایمان محکم سے ہے دنیا میں
کہ المانی سے بھی پایندہ تر نکلا ہے تورانی
جب اس انگارۂ خاکی میں ہوتا ہے یقیں پیدا
تو کر لیتا ہے یہ بال و پر روح الامیں پیدا
غلامی میں نہ کام آتی ہیں شمشیریں نہ تدبیریں
جو ہو ذوق یقیں پیدا تو کٹ جاتی ہیں زنجیریں
کوئی اندازہ کر سکتا ہے اس کے زور بازو کا
نگاہ مرد مومن سے بدل جاتی ہیں تقدیریں
ولایت پادشاہی علم اشیا کی جہانگیری
یہ سب کیا ہیں فقط اک نکتۂ ایماں کی تفسیریں
براہیمی نظر پیدا مگر مشکل سے ہوتی ہے
ہوس چھپ چھپ کے سینوں میں بنا لیتی ہے تصویریں
تمیز بندہ و آقا فساد آدمیت ہے
حذر اے چیرہ دستاں سخت ہیں فطرت کی تعزیریں
حقیقت ایک ہے ہر شے کی خاکی ہو کہ نوری ہو
لہو خورشید کا ٹپکے اگر ذرے کا دل چیریں
یقیں محکم عمل پیہم محبت فاتح عالم
جہاد زندگانی میں ہیں یہ مردوں کی شمشیریں
چہ باید مرد را طبع بلندے مشرب نابے
دل گرمے نگاہ پاک بینے جان بیتابے
عقابی شان سے جھپٹے تھے جو بے بال و پر نکلے
ستارے شام کے خون شفق میں ڈوب کر نکلے
ہوئے مدفون دریا زیر دریا تیرنے والے
طمانچے موج کے کھاتے تھے جو بن کر گہر نکلے
غبار رہ گزر ہیں کیمیا پر ناز تھا جن کو
جبینیں خاک پر رکھتے تھے جو اکسیر گر نکلے
ہمارا نرم رو قاصد پیام زندگی لایا
خبر دیتی تھیں جن کو بجلیاں وہ بے خبر نکلے
حرم رسوا ہوا پیر حرم کی کم نگاہی سے
جوانان تتاری کس قدر صاحب نظر نکلے
زمیں سے نوریان آسماں پرواز کہتے تھے
یہ خاکی زندہ تر پایندہ تر تابندہ تر نکلے
جہاں میں اہل ایماں صورت خورشید جیتے ہیں
ادھر ڈوبے ادھر نکلے ادھر ڈوبے ادھر نکلے
یقیں افراد کا سرمایۂ تعمیر ملت ہے
یہی قوت ہے جو صورت گر تقدیر ملت ہے
تو راز کن فکاں ہے اپنی آنکھوں پر عیاں ہو جا
خودی کا رازداں ہو جا خدا کا ترجماں ہو جا
ہوس نے کر دیا ہے ٹکڑے ٹکڑے نوع انساں کو
اخوت کا بیاں ہو جا محبت کی زباں ہو جا
یہ ہندی وہ خراسانی یہ افغانی وہ تورانی
تو اے شرمندۂ ساحل اچھل کر بے کراں ہو جا
غبار آلودۂ رنگ و نسب ہیں بال و پر تیرے
تو اے مرغ حرم اڑنے سے پہلے پرفشاں ہو جا
خودی میں ڈوب جا غافل یہ سر زندگانی ہے
نکل کر حلقۂ شام و سحر سے جاوداں ہو جا
مصاف زندگی میں سیرت فولاد پیدا کر
شبستان محبت میں حریر و پرنیاں ہو جا
گزر جا بن کے سیل تند رو کوہ و بیاباں سے
گلستاں راہ میں آئے تو جوئے نغمہ خواں ہو جا
ترے علم و محبت کی نہیں ہے انتہا کوئی
نہیں ہے تجھ سے بڑھ کر ساز فطرت میں نوا کوئی
ابھی تک آدمی صید زبون شہریاری ہے
قیامت ہے کہ انساں نوع انساں کا شکاری ہے
نظر کو خیرہ کرتی ہے چمک تہذیب حاضر کی
یہ صناعی مگر جھوٹے نگوں کی ریزہ کاری ہے
وہ حکمت ناز تھا جس پر خرد مندان مغرب کو
ہوس کے پنجۂ خونیں میں تیغ کارزاری ہے
تدبر کی فسوں کاری سے محکم ہو نہیں سکتا
جہاں میں جس تمدن کی بنا سرمایہ داری ہے
عمل سے زندگی بنتی ہے جنت بھی جہنم بھی
یہ خاکی اپنی فطرت میں نہ نوری ہے نہ ناری ہے
خروش آموز بلبل ہو گرہ غنچے کی وا کر دے
کہ تو اس گلستاں کے واسطے باد بہاری ہے
پھر اٹھی ایشیا کے دل سے چنگاری محبت کی
زمیں جولاں گہہ اطلس قبایان تتاری ہے
بیا پیدا خریدا راست جان نا توانے را
پس از مدت گزار افتاد برما کاروانے را
بیا ساقی نوائے مرغ زار از شاخسار آمد
بہار آمد نگار آمد نگار آمد قرار آمد
کشید ابر بہاری خیمہ اندر وادی و صحرا
صدائے آبشاراں از فراز کوہسار آمد
سرت گردم توہم قانون پیشیں ساز دہ ساقی
کہ خیل نغمہ پردازاں قطار اندر قطار آمد
کنار از زاہداں برگیر و بیباکانہ ساغر کش
پس از مدت ازیں شاخ کہن بانگ ہزار آمد
بہ مشتاقاں حدیث خواجۂ بدرو حنین آور
تصرف ہائے پنہانش بچشم آشکار آمد
دگر شاخ خلیل از خون ما نمناک می گردد
ببازار محبت نقد ما کامل عیار آمد
سر خاک شہیرے برگ ہائے لالہ می پاشم
کہ خونش بانہال ملت ما سازگار آمد
بیا تا گل بفیشانیم و مے در ساغر اندازیم
فلک را سقف بشگافیم و طرح دیگر اندازیم

علامہ اقبال

غزل

سنائیؔ کے ادب سے میں نے غواصی نہ کی ورنہ
ابھی اس بحر میں باقی ہیں لاکھوں لولوئے لالا

علامہ اقبال

مزاحیہ

اگر ہوتا نہ شوق خود ثنائی
ستائش کی ضرورت ہی نہ ہوتی

غوث خواہ مخواہ حیدرآبادی

غزل

اپنی صناعی کی تجھ کو لاج بھی ہے یا نہیں
اے مصور دیکھ رنگ اڑنے لگا تصویر کا

اسد بھوپالی

تمام

لغت سے متعلق نتائج

ریختہ لغت

sannaa'ii

सन्ना'ईصَنّاعی

عربی

کاریگری، دستکاری، مہارت فن، کمال ہنر، ہنرمندی ظاہر ہونا (محسوسات یا معانی میں)

sanaa.ii

सनाईثَنائی

عربی

تعریف کرنے والا، مدح کرنے والا

sahraa.ii

सहराईصَحْرائی

عربی

صحرا سے منسوب، صحرا میں رہنے والا، جنگلی

daanaa.ii

दानाईدانائی

فارسی

عقل، عقل مندی، ہوشیاری

تمام

کتاب کے متعلقہ نتیجہ "sannaa.ii"

اربعین ثنائی

ثناء اللہ امرتسری

اسلامیات

حدیقہ سنائی

مطبوعات منشی نول کشور

سیرۃ ثنائی

عبد المجید

سوانح حیات

ترجمہ کامل الصناء

نامعلوم مصنف

طب یونانی

مخزن ثنائی

ابوالوفا ثناء اللہ امرتسری

اسلامیات

مخزن ثنائی

ابوالوفا ثناء اللہ امرتسری

اسلامیات

گلدستہ ثنائی

ابوالوفا ثناء اللہ امرتسری

Feb 1914اسلامیات

بدائع الصنائع فی ترتیب الشرائع

سید محمود الحسن

بدالع الصنالع فی ترتیب لشرالع

علاؤ الدین ابو بکر بن مسعود

حدیقۂ سنائی

حکیم سنائی غزنوی کی مقبولیت خود اپنے زمانے میں

پروفیسر نذیر احمد

تفسیر ثنائی

ابوالوفا ثناء اللہ امرتسری

مصنوعی نظمیں

فہمیدہ صناعی

نظم

شہر جاں کی سرحدیں

اسد ثنائی

مجموعہ

تفسیر ثنائی

ثناء اللہ امرتسری

اسلامیات

مزید نتائج "sannaa.ii"

غزل

عاجز ہو عقل دیکھ کے صناعی جن کی وہ
حسن جہاں کے نت نئے پیکر بھی آئیں گے

قیصر خالد

غزل

گو میں یوسف نہیں دامن تو مرے پاس بھی ہے
تم ذرا پیروی‌ دست زلیخا کرنا
اے کہ تو نازش صناعیٔ دست فطرت
کاش آتا نہ تجھے خون تمنا کرنا

عروج زیدی بدایونی

غزل

جسم ترشا ہوا سانچے میں ڈھلا ہے جیسے
دست‌ آزر نے قسم کھائی ہو صناعی کی

عفیف سراج

غزل

اسی کا وصف ہے مقصود شعر خوانی سے
اسی کا ذکر ہے منشا غزل سرائی کا

اسماعیل میرٹھی

نظم

قطب مینار

اے قطب مینار اے بھارت کی عظمت کے نشاں
ہر گھڑی سایہ فگن رہتا ہے تجھ پر آسماں
تیرے ہر اک سنگ میں پنہاں ہے تیری داستاں
دیدۂ حیرت سے تکتے ہیں تجھے اہل جہاں
سر بلندی پر تری ہم ہندیوں کو ناز ہے
تو ہماری خوش نما تاریخ کا غماز ہے
تیرا مسکن ارض دلی رشک حسن کوہ قاف
چاند سورج روز تیرے گرد کرتے ہیں طواف
ساری دنیا کو ہے تیری عظمتوں کا اعتراف
تجھ سے ہوتا ہے ہماری قومیت کا انکشاف
تیری صناعی زمانے کے لئے پر پیچ ہے
آج بھی پیرس کا ٹاور تیرے آگے ہیچ ہے
تو ہماری شان و شوکت کا ہے تابندہ گواہ
تجھ سے روشن ہے ہمارے علم و فن کی شاہراہ
تجھ پہ پڑتے ہی چمک اٹھتی ہے حیرت سے نگاہ
تو ہمارا پاسباں ہے تو ہمارا خیر خواہ
ترجمان وقت ہے تو رہنمائے فن ہے تو
ہاں لباس سنگ میں اک پیکر آہن ہے تو

رہبر جونپوری

غزل

غزل گوئی کے فن کا یوں کبھی اظہار ہوتا ہے
محبت دل سے ہوتی ہے نظر سے پیار ہوتا ہے

امان اللہ شاد ثنائی

غزل

اللہ اللہ یہ صناعیٔ نقاش ازل
ایک بھی نقش مکرر نہیں ہونے پاتا

اطہر ضیائی

نظم

بغداد

حسن جس شہر میں
تو گیلی مٹی سے
کبھی کوزے بناتا تھا
تجھے اس شہر میں مٹی نہیں
اب سر ملیں گے
ہزاروں خستہ تن
لاشوں سے رستا خون
تیرے شہر کی مٹی کو
یوں سیراب کرتا ہے
کہ اب جو تو کبھی
مٹی سے کھیلے گا
تو ہر کوزہ صراحی جام و مینا
لہو کے رنگ کے ہوں گے
تری نقش و نگاری
اور ترے ہاتھوں کی صناعی
نہ ان کوزوں کو بخشے گی وہ حیرت
وہ ندرت اور وہ نقاشی
جو بس تیرا ہی حصہ تھی
وہ اس مٹی کی سوندھی تیز خوشبو
پرانے خون کی بدبو میں مل کر
ایسی بدلی ہے
تجھے محسوس ہوگا
تو کسی مرگھٹ میں بیٹھا ہے
تجھے دجلہ کا وہ شفاف پانی یاد ہے کیا
وہ جس سے تیرے کوزوں کی ضیا تھی
وہ جس سے پیاس بجھتی تھی
ترے سوکھے بدن کی
وہ دجلہ سرخ ہے
معصوم بچوں کے لہو سے
حسن عطا یوسف کی دکاں کے سامنے
کل بم پھٹا تھا
نہ جانے کتنے کوزہ گر مرے
جن کے گھروں میں
اسی مٹی کے پیالے ہیں مگر خالی
تڑپتی بھوک ہے اور لب سوالی
نہ جانے کتنے کاری گر مرے
اب کون گنتا ہے
حسن اس شہر میں اب کوئی مرجینہ نہیں ہے
نہ دنیا زاد، نہ حاسب کریم الدین کا گھر ہے
عجائب گھر ہیں نہ وہ درس گاہیں
کتب خانوں میں لشکر سو رہے ہیں
کوئی زندہ نہیں اس شہر میں
بس موت زندہ ہے
حسن تو مجھ سے وعدہ کر
کہ چاہے کچھ بھی ہو جائے
پلٹ کر اس شہر میں
پھر کبھی واپس نہ آئے گا

سلمان انصاری

مرثیہ

جس سے دنیا نے آشنائی کی
اس سے آخر کو کج ادائی کی
تجھ پہ پھولے کوئی عبث اے عمر
تو نے کی جس سے بے وفائی کی
ہے زمانہ وفا سے بیگانا
ہاں قسم مجھ کو آشنائی کی
یہ وہ بے مہر ہے کہ ہے اس کی
صلح میں چاشنی لڑائی کی
ہے یہاں حظ وصل سے محروم
جس کو طاقت نہ ہو جدائی کی
ہے یہاں حفظ وضع سے مایوس
جس کو عادت نہ ہو گدائی کی
خندۂ گل سے بے بقا تر ہے
شان ہو جس میں دلربائی کی
جنس کاسد سے ناروا تر ہے
خوبیاں جس میں ہوں خدائی کی
بات بگڑی رہی سہی افسوس
آج خاقانی و سنائی کی
رشک عرفی و فخر طالب مرد
اسداللہ خان غالب مرد

الطاف حسین حالی

غزل

میں صناعی کا پیکر ہوں اسی کی
ہنسی میری اڑا کر کیا کرے گا

احمد سوز

تلاش کے نتائج

شاعر/مصنف/ فن کار

انتہائی متعلقہ نتائج "sannaa.ii"

نظم

تاج محل

ساحر لدھیانوی

نظم

طلوع اسلام

علامہ اقبال

غزل

علامہ اقبال

مزاحیہ

غوث خواہ مخواہ حیدرآبادی

غزل

اسد بھوپالی

لغت سے متعلق نتائج

ریختہ لغت

sannaa'ii

sanaa.ii

sahraa.ii

daanaa.ii

کتاب کے متعلقہ نتیجہ "sannaa.ii"

مزید نتائج "sannaa.ii"

غزل

قیصر خالد

غزل

عروج زیدی بدایونی

غزل

عفیف سراج

غزل

اسماعیل میرٹھی

نظم

قطب مینار

رہبر جونپوری

غزل

امان اللہ شاد ثنائی

غزل

اطہر ضیائی

نظم

بغداد

سلمان انصاری

مرثیہ

الطاف حسین حالی

غزل

احمد سوز

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books