Search result for

SEARCH RESULTS

Showing search results for "sannaa.ii"

See All

POETS/AUTHORS/ARTISTS

1912 - 1949

1728 - 1806

born.1984

1873 - 1910

born.1963

born.1979

born.1942

Shaikh Ahmad Sarhindi

1564 - 1624

1936 - 1982

born.1979

Matbua Sanai Barqi Press, Amritsar

1922 - 2005

born.1997

MOST RELEVANT MATCHES FOR "sannaa.ii"

Nazm

taj-mahal

merii mahbuub unhe.n bhii to mohabbat hogii
jin kii sannaa.ii ne baKHshii hai use shakl-e-jamiil

Sahir Ludhianvi

Nazm

tulu-e-islam

daliil-e-sub.h-e-raushan hai sitaaro.n kii tunuk-taabii
ufuq se aaftaab ubhraa gayaa daur-e-giraa.n-KHvaabii
uruuq-murda-e-mashriq me.n KHuun-e-zindagii dau.Daa
samajh sakte nahii.n is raaz ko siinaa o faaraabii
musalmaa.n ko musalmaa.n kar diyaa tuufaan-e-maGrib ne
talaatum-haa-e-dariyaa hii se hai gauhar kii sairaabii
ataa momin ko phir dargaah-e-haq se hone vaalaa hai
shikoh-e-turkamaanii zehn hindii nutq aaraabii
asar kuchh KHvaab kaa Guncho.n me.n baaqii hai tuu ai bulbul
navaa-raa talKH-tarmii zan chuu zauq-e-naGma kam-yaabii
ta.Dap sehn-e-chaman me.n aashiyaa.n me.n shaaKH-saaro.n me.n
judaa paare se ho saktii nahii.n taqdiir-e-siimaabii
vo chashm-e-paak hai.n kyuu.n ziinat-e-bar-gustavaa.n dekhe
nazar aatii hai jis ko mard-e-Gaazii kii jigar-taabii
zamiir-e-laala me.n raushan charaaG-e-aarzuu kar de
chaman ke zarre zarre ko shahiid-e-justujuu kar de
sarishk-e-chashm-e-muslim me.n hai naisaa.n kaa asar paidaa
KHaliilullaah ke dariyaa me.n ho.nge phir guhar paidaa
kitaab-e-millat-e-baizaa kii phir shiiraaza-bandii hai
ye shaaKH-e-haashmii karne ko hai phir barg-o-bar paidaa
rabuud aa.n turk shiiraazii dil-e-tabrez-o-kaabul raa
sabaa kartii hai buu-e-gul se apnaa ham-safar paidaa
agar usmaaniyo.n par koh-e-Gam TuuTaa to kyaa Gam hai
ki KHuun-e-sad-hazaar-anjum se hotii hai sahar paidaa
jahaa.nbaanii se hai dushvaar-tar kaar-e-jahaa.n-biinii
jigar KHuu.n ho to chashm-e-dil me.n hotii hai nazar paidaa
hazaaro.n saal nargis apnii be-nuurii pe rotii hai
ba.Dii mushkil se hotaa hai chaman me.n diida-var paidaa
navaa-pairaa ho ai bulbul ki ho tere tarannum se
kabuutar ke tan-e-naazuk me.n shaahii.n kaa jigar paidaa
tire siine me.n hai poshiida raaz-e-zindagii kah de
musalmaa.n se hadiis-e-soz-o-saaz-e-zindagii kah de
KHudaa-e-lam-yazal kaa dast-e-qudrat tuu zabaa.n tuu hai
yaqii.n paidaa kar ai Gaafil ki maGluub-e-gumaa.n tuu hai
pare hai charKH-e-niilii-faam se manzil musalmaa.n kii
sitaare jis kii gard-e-raah ho.n vo kaarvaa.n to hai
makaa.n faanii makii.n faanii azal teraa abad teraa
KHudaa kaa aaKHirii paiGaam hai tuu jaavedaa.n tuu hai
Hinaa-band-e-uruus-e-laala hai KHuun-e-jigar teraa
tirii nisbat baraahiimii hai memaar-e-jahaa.n tuu hai
tirii fitrat amii.n hai mumkinaat-e-zindagaanii kii
jahaa.n ke jauhar-e-muzmar kaa goyaa imtihaa.n to hai
jahaan-e-aab-o-gil se aalam-e-jaaved kii KHaatir
nubuvvat saath jis ko le ga.ii vo armuGaa.n tuu hai
ye nukta sarguzisht-e-millat-e-baizaa se hai paidaa
ki aqvaam-e-zamiin-e-asia kaa paasbaa.n tuu hai
sabaq phir pa.Dh sadaaqat kaa adaalat kaa shujaa.at kaa
liyaa jaa.egaa tujh se kaam duniyaa kii imaamat kaa
yahii maqsuud-e-fitrat hai yahii ramz-e-musalmaanii
uKHuvvat kii jahaa.ngiirii mohabbat kii faraavaanii
butaan-e-ra.ng-o-KHuu.n ko to.D kar millat me.n gum ho jaa
na tuuraanii rahe baaqii na iiraanii na afGaanii
miyaan-e-shaaKH-saaraa.n sohbat-e-murG-e-chaman kab tak
tire baazuu me.n hai parvaaz-e-shaahiin-e-qahastaanii
gumaa.n-aabaad hastii me.n yaqii.n mard-e-musalmaa.n kaa
bayaabaa.n kii shab-e-taariik me.n qindiil-e-rohbaanii
miTaayaa qaisar o kisraa ke istibdaad ko jis ne
vo kyaa thaa zor-e-haidar faqr-e-buu-zar sidq-e-salmaanii
hu.e ahraar-e-millat jaada-paimaa kis tajammul se
tamaashaa.ii shigaaf-e-dar se hai.n sadiyo.n ke zindaanii
sabaat-e-zindagii iimaan-e-mohkam se hai duniyaa me.n
ki almaanii se bhii paa.enda-tar niklaa hai tuuraanii
jab is a.ngaara-e-KHaakii me.n hotaa hai yaqii.n paidaa
to kar letaa hai ye baal-o-par-e-ruuh-ul-amii.n paidaa
Gulaamii me.n na kaam aatii hai.n shamshiire.n na tadbiire.n
jo ho zauq-e-yaqii.n paidaa to kaT jaatii hai.n zanjiire.n
ko.ii andaaza kar saktaa hai us ke zor-e-baazuu kaa
nigaah-e-mard-e-momin se badal jaatii hai.n taqdiire.n
vilaayat paadshaahii ilm-e-ashiyaa kii jahaa.ngiirii
ye sab kyaa hai.n faqat ik nukta-e-iimaa.n kii tafsiire.n
baraahiimii nazar paidaa magar mushkil se hotii hai
havas chhup chhup ke siino.n me.n banaa letii hai tasviire.n
tamiiz-e-bandaa-o-aaqaa fasaad-e-aadmiyat hai
hazar ai chiira-dastaa.n saKHt hai.n fitrat kii ta.aziire.n
haqiiqat ek hai har shai kii KHaakii ho ki nuurii ho
lahuu KHurshiid kaa Tapke agar zarre kaa dil chiire.n
yaqii.n mohkam amal paiham mohabbat faatah-e-aalam
jihaad-e-zindagaanii me.n hai.n ye mardo.n kii shamshiire.n
che baayad mard raa tab-e-buland mashrab-e-naabe
dil-e-garme nigaah-e-paak-biine jaan-e-betaabe
uqaabii shaan se jhapTe the jo be-baal-o-par nikle
sitaare shaam ke KHuun-e-shafaq me.n Duub kar nikle
hu.e madfuun-e-dariyaa zer-e-dariyaa tairne vaale
tamaa.nche mauj ke khaate the jo ban kar guhar nikle
Gubaar-e-rahguzar hai.n kiimiyaa par naaz thaa jin ko
jabiine.n KHaak par rakhte the jo iksiir-gar nikle
hamaaraa narm-rau qaasid payaam-e-zindagii laayaa
KHabar detii thii.n jin ko bijliyaa.n vo be-KHabar nikle
haram rusvaa hu.aa piir-e-haram kii kam-nigaahii se
javaanaan-e-tataarii kis qadar saahab-nazar nikle
zamii.n se nuuryaan-e-aasmaa.n-parvaaz kahte the
ye KHaakii zinda-tar paa.enda-tar taabinda-tar nikle
jahaa.n me.n ahl-e-iimaa.n suurat-e-KHurshiid jiite hai.n
idhar Duube udhar nikle udhar Duube idhar nikle
yaqii.n afraad kaa sarmaaya-e-taamiir-e-millat hai
yahii quvvat hai jo suurat-gar-e-taqdiir-e-millat hai
tuu raaz-e-kun-fakaa.n hai apnii aa.nkho.n par ayaa.n ho jaa
KHudii kaa raaz-daa.n ho jaa KHudaa kaa tarjumaa.n ho jaa
havas ne kar diyaa hai Tuk.De Tuk.De nau-e-insaa.n ko
uKHuvvat kaa bayaa.n ho jaa mohabbat kii zabaa.n ho jaa
ye hindii vo KHuraasaanii ye afGaanii vo tuuraanii
tuu ai sharminda-e-saahil uchhal kar be-karaa.n ho jaa
Gubaar-aaluuda-e-ra.ng-o-nasab hai.n baal-o-par tere
tuu ai murG-e-haram u.Dne se pahle par-fishaa.n ho jaa
KHudii me.n Duub jaa Gaafil ye sirr-e-zindagaanii hai
nikal kar halqa-e-shaam-o-sahar se jaavedaa.n ho jaa
masaaf-e-zindagii me.n siirat-e-faulaad paidaa kar
shabistaan-e-mohabbat me.n hariir o parniyaa.n ho jaa
guzar jaa ban ke sail-e-tund-rau koh o bayaabaa.n se
gulistaa.n raah me.n aa.e to juu-e-naGma-KHvaa.n ho jaa
tire ilm o mohabbat kii nahii.n hai intihaa ko.ii
nahii.n hai tujh se ba.Dh kar saaz-e-fitrat me.n navaa ko.ii
abhii tak aadmii said-e-zabuun-e-shahryaarii hai
qayaamat hai ki insaa.n nau-e-insaa.n kaa shikaarii hai
nazar ko KHiira kartii hai chamak tahziib-e-haazir kii
ye sannaa.ii magar jhuuTe niguu.n kii reza-kaarii hai
vo hikmat naaz thaa jis par KHirad-mandaan-e-maGrib ko
havas ke panja-e-KHuunii.n me.n teG-e-kaar-zaarii hai
tadabbur kii fusuu.n-kaarii se mohkam ho nahii.n saktaa
jahaa.n me.n jis tamaddun kii binaa sarmaaya-daarii hai
amal se zindagii bantii hai jannat bhii jahannam bhii
ye KHaakii apnii fitrat me.n na nuurii hai na naarii hai
KHarosh-aamoz bulbul ho girah Gunche kii vaa kar de
ki tuu is gulsitaa.n ke vaaste baad-e-bahaarii hai
phir uTThii asia ke dil se chi.ngaarii mohabbat kii
zamii.n jaulaa.n-gah-e-atlas qabaayaan-e-tataarii hai
bayaa paidaa KHariidaa raast jaan-e-naa-tavaan-e-raa
pas az muddat guzaar uftaad barmaa kaarvaane raa
bayaa saaqii navaa-e-murG-zaar az shaaKH-saar aamad
bahaar aamad nigaar aamad nigaar aamad qaraar aamad
kashiid abr-e-bahaarii KHema andar vaadii o sahraa
sadaa-e-aabshaaraa.n az faraaz-e-koh-saar aamad
sarat gardam toham qaanuun peshii.n saaz dah saaqii
ki KHail-e-naGma-pardaazaa.n qataar andar qataar aamad
kanaar az zaahidaa.n bar-giir o bebaakaana saaGar-kash
pas az muddat azii.n shaaKH-e-kuhan baa.ng-e-hazaar aamad
ba-mushtaaqaa.n hadiis-e-KHvaajaa-e-badro hunain aavar
tasarruf-haa-e-pinhaanash ba-chashm-e-aashkaar aamad
digar shaaKH-e-KHaliil az KHuun-e-maa namnaak mii gardad
ba-baazaar-e-mohabbat naqd-e-maa kaamil ayyaar aamad
sar-e-KHaak-e-shahiire barg-haa-e-laala mii paasham
ki KHuunash baa-nihaal-e-millat-e-maa saazgaar aamad
bayaa taa-gul baa-afmaishaaniim o mai dar saaGar andaazem
falak raa saqf ba-shagaafem o tarh-e-diigar andaazem

Allama Iqbal

Ghazal

'sanaa.ii' ke adab se mai.n ne Gavvaasii na kii varna
abhii is bahr me.n baaqii hai.n laakho.n luulu-e-laalaa

Allama Iqbal

Mazahiya

agar hotaa na shauq-e-KHud-sanaa.ii
sataa.ish kii zaruurat hii na hotii

Ghaus Khah makhah Hyderabadi

Ghazal

apnii sannaa.ii kii tujh ko laaj bhii hai yaa nahii.n
ai musavvir dekh rang u.Dne lagaa tasviir kaa

Asad Bhopali

See All

DICTIONARY MATCHES

REKHTA DICTIONARY

sannaa'ii

सन्ना'ईصَنّاعی

Arabic

craftsmanship

sanii

सनीسَنی

Arabic, Hindi

(something) heard, listened

sanii

सनीثَنی

shedding the first teeth (hence implying the required age of a sacrificial animal)

sanaa

सनाثَنا

Arabic

eulogy, commendation, applause (it differs from 'hamd' in having for its object either the Deity or man, whereas 'ḥamd' is restricted to the Deity)

See All

BOOKS MATCHES FOR "sannaa.ii"

Arbain-e-Sanai

Sanaullah Amritsari

Islamiyat

Hadeeqa-e-Sanai

Publications Of Munshi Naval Kishore

Seerat-e-Sanai

Abdul Majeed

Biography

Tarjuma Kamil-us-Sanai

Unknown Author

Tibb-e-Unani

Makhzan-e-Sanai

Abul Wafa Sanaullah Amritsari

Islamiyat

Makhzan-e-Sanai

Abul Wafa Sanaullah Amritsari

Islamiyat

Guldasta-e-Sanai

Abul Wafa Sanaullah Amritsari

Feb 1914Islamiyat

Badai-us-Sanai Fi Tarteeb-us-shanai

Syed Mahmood-ul-Hasan

Badai-us-Sanai Fi Tarteeb-us-Sharai

Alauddeen Abu Bakr Bin Masud

Hadiqa-e-Sanai

Hakeem Sanai Ghaznavi Ki Maqbooliyat Khud Apne Zamane Mein

Prof. Nazeer Ahmad

Tafseer-e-Sanai

Abul Wafa Sanaullah Amritsari

Masnui Nazmen

Fahmeeda Sanai

Nazm

Shahr-e-Jaan Ki Sarhaden

Asad Sanai

Majmua

Tafseer-e-Sanai

Sanaullah Amritsari

Islamiyat

MORE MATCHES FOR "sannaa.ii"

Ghazal

aajiz ho aql dekh ke sannaa.ii jin kii vo
husn-e-jahaa.n ke nit-na.e paikar bhii aa.e.nge

Quaiser Khalid

Ghazal

go mai.n yuusuf nahii.n daaman to mire paas bhii hai
tum zaraa pairvii-e-dast-e-zuleKHaa karnaa
ai ki tuu naazish-e-sannaa.ii-e-dast-e-fitrat
kaash aataa na tujhe KHuun-e-tamannaa karnaa

Urooj Zaidi Badayuni

Ghazal

jism tarshaa hu.aa saa.nche me.n Dhalaa hai jaise
dast-e-aazar ne qasam khaa.ii ho sannaa.ii kii

Afeef Siraj

Ghazal

usii kaa vasf hai maqsuud she'r-KHvaanii se
usii kaa zikr hai manshaa Gazal-saraa.ii kaa

Ismail Merathi

Nazm

qutub-minar

ai qutub-miinaar ai bhaarat kii azmat ke nishaa.n
har gha.Dii saaya-fagan rahtaa hai tujh par aasmaa.n
tere har ik sang me.n pinhaa.n hai terii daastaa.n
diida-e-hairat se takte hai.n tujhe ahl-e-jahaa.n
sar-bulandii par tirii ham hindiyo.n ko naaz hai
tuu hamaarii KHushnumaa taariiKH kaa Gammaaz hai
teraa maskan arz-e-dillii rashk-e-husn-e-koh-e-qaaf
chaa.nd-suuraj roz tere gird karte hai.n tavaaf
saarii duniyaa ko hai terii azmato.n kaa e'tiraaf
tujh se hotaa hai hamaarii qaumiyat kaa inkishaaf
terii sannaa.ii zamaane ke liye pur-pech hai
aaj bhii paris kaa tower tere aage hech hai
tuu hamaarii shaan-o-shaukat kaa hai taabinda gavaah
tujh se raushan hai hamaare ilm-o-fan kii shaahraah
tujh pe pa.Dte hii chamak uThtii hai hairat se nigaah
tuu hamaaraa paasbaa.n hai tuu hamaaraa KHair-KHvaah
tarjumaan-e-vaqt hai tuu rahnumaa-e-fan hai tuu
haa.n libaas-e-sang me.n ik paikar-e-aahan hai tuu

Rahbar Jaunpuri

Ghazal

Gazal-go.ii ke fan kaa yuu.n kabhii iz.haar hotaa hai
mohabbat dil se hotii hai nazar se pyaar hotaa hai

Amanullah Shad Sanai

Ghazal

allaah allaah ye sannaa.ii-e-naqqaash-e-azal
ek bhii naqsh mukarrar nahii.n hone paataa

Athar Ziai

Nazm

baghdad

hasan jis shahr me.n
tuu giilii miTTii se
kabhii kuuze banaataa thaa
tujhe is shahr me.n miTTii nahii.n
ab sar mile.nge
hazaaro.n KHasta-tan
laasho.n se ristaa KHuun
tere shahr kii miTTii ko
yuu.n sairaab kartaa hai
ki ab jo tuu kabhii
miTTii se khelegaa
to har kuuza suraahii jaam-o-miinaa
lahuu ke rang ke ho.nge
tirii naqsh-o-nigaarii
aur tire haatho.n kii sannaa.ii
na in kuuzo.n ko baKHshegii vo hairat
vo nudrat aur vo naqqaashii
jo bas teraa hii hissa thii
vo is miTTii kii so.ndhii tez KHushbuu
puraane KHuun kii badbuu me.n mil kar
aisii badlii hai
tujhe mahsuus hogaa
tuu kisii marghaT me.n baiThaa hai
tujhe dajla kaa vo shaffaaf paanii yaad hai kyaa
vo jis se tere kuuzo.n kii ziyaa thii
vo jis se pyaas bujhtii thii
tire suukhe badan kii
vo dajla surKH hai
ma.asuum bachcho.n ke lahuu se
hasan ataa yuusuf kii dukaa.n ke saamne
kal bam phaTaa thaa
na jaane kitne kuuza-gar mare
jin ke gharo.n me.n
isii miTTii ke pyaale hai.n magar KHaalii
ta.Daptii bhuuk hai aur lab savaalii
na jaane kitne kaarii-gar mare
ab kaun gintaa hai
hasan is shahr me.n ab ko.ii marjiina nahii.n hai
na duniyaa-zaad, na haasib kariimuddiin kaa ghar hai
ajaa.ib-ghar hai.n na vo dars-gaahe.n
kutub-KHaano.n me.n lashkar so rahe hai.n
ko.ii zinda nahii.n is shahr me.n
bas maut zinda hai
hasan tuu mujh se va.ada kar
ki chaahe kuchh bhii ho jaa.e
palaT kar is shahr me.n
phir kabhii vaapas na aa.egaa

Salman Ansari

Marsiya

jis se duniyaa ne aashnaa.ii kii
us se aaKHir ko kaj-adaa.ii kii
tujh pe phuule ko.ii 'abas ai 'umr
tuu ne kii jis se bevafaa.ii kii
hai zamaana vafaa se begaanaa
haa.n qasam mujh ko aashnaa.ii kii
ye vo be-mehr hai ki hai is kii
sulh me.n chaashnii la.Daa.ii kii
hai yahaa.n hazz-e-vasl se mahruum
jis ko taaqat na ho judaa.ii kii
hai yahaa.n hifz-e-vaz' se maayuus
jis ko 'aadat na ho gadaa.ii kii
KHanda-e-gul se be-baqaa-tar hai
shaan ho jis me.n dil-rubaa.ii kii
jins-e-kaasid se naaravaa-tar hai
KHuubiyaa.n jis me.n ho.n KHudaa.ii kii
baat big.Dii rahii-sahii afsos
aaj KHaaqaanii o sanaa.ii kii
rashk-e-'urfii o faKHr-e-taalib murd
asadullaah KHaan Gaalib murd

SEARCH RESULTS

POETS/AUTHORS/ARTISTS

MOST RELEVANT MATCHES FOR "sannaa.ii"

Nazm

taj-mahal

Sahir Ludhianvi

Nazm

tulu-e-islam

Allama Iqbal

Ghazal

Allama Iqbal

Mazahiya

Ghaus Khah makhah Hyderabadi

Ghazal

Asad Bhopali

DICTIONARY MATCHES

REKHTA DICTIONARY

sannaa'ii

sanii

sanii

sanaa

BOOKS MATCHES FOR "sannaa.ii"

MORE MATCHES FOR "sannaa.ii"

Ghazal

Quaiser Khalid

Ghazal

Urooj Zaidi Badayuni

Ghazal

Afeef Siraj

Ghazal

Ismail Merathi

Nazm

qutub-minar

Rahbar Jaunpuri

Ghazal

Amanullah Shad Sanai

Ghazal

Athar Ziai

Nazm

baghdad

Salman Ansari

Marsiya

Altaf Hussain Hali

Ghazal

Ahmad Soz

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books